Ngoko twangakolesya “ebyo twangabugha”

Abaghala betu bakakola kutsibu eriteghekania “ebyo twangabugha,” n’abatuliri bangyi babirilangira ngoko bikabawatikaya omo kiharo kyabo. Aliwe, kundi emibere simighumerera omo kihugho kyosi, abatuliri banganakolesya omo mubírí wabo w’eritulira awandi mayele kutse ibakania oko ghundi mwatsi owangatsemesya abandu ab’omo kiharo. Aliwe, omughulu w’akambanye ak’embaghane, abatuliri bosi batolere erikwama obusondoli bughumerera. Ekyo tukalandamirira ry’eriberererya omubírí ow’eritula engulu mbuya y’Obwami ogho Yesu atusighira.​—Mt 24:14.

Omughulu bakalabaya ebitsweka byabo nga bakolo, abatuliri batolere erikolesya omwatsi owali omo “ebyo twangabugha” owakabanika omo Omubírí n’engebe y’oMukristo​—Akatabu k’omuhindano. Aliwe abatuliri banganasombola erikolesya erindi ribulyo, erindi risako, emibere eyo bakendibyamo kutse n’erindi ribulyo ry’erisighira omundu ekyo kyamabya ikyanganaleka abandu b’omo kiharo kyenyu ibahulikirira. Aho mutahamulirwe erikola mutya hasyabya hakakanganibwa. Obu ni busondoli buhya-buhya obwamasuba oko busondoli obuli omo katabu k’omuhindano ak’Omwisi 6, 2020, akayani 8.