Akambanye k’embaghane ak’eritsukisya amafunzo w’eBiblia omo mwisi 9

Omo mwisi 9 tukendikola kutsibu eriha obuli mundu y’akanya k’erigha eBiblia, tukakolesya akatabu Tsemera engebe kera na kera! Abatuliri banganasombola eribya bapainia bawatikya omwitulira esyosaha 30. Tukendikola akambanye ako k’embaghane ko tuti?

• Ukasungana n’omundu ery’erimbere: Ukolesaye ekijalada ekiri oko mwiso w’akatabu eriwatikya omuhulikiriri waghu eryanzisibwa n’omukania, neryo umukanganaye ngoko tukigha eBiblia n’abandu. Isiwibirirawa abanzisibawa kera, erihirako n’abo tukasubira. Nomo banaghana erigha eBiblia kera, banganatsemesibwa n’enzira nyihya-nyihya eyo tukakolesaya lino n’akatabu kahya-kahya. Wamatendyeya omundu y’eka wiwe, isiwasigha akatabu oko mulango wiwe kutse isiwahirako omo baruha n’eritumirako omundu ayutanzisibawa kera n’ekwenene. Akatunga k’Omubírí ak’endeko kanganateghekania eyindi mihindano mingyi ey’eriyatulira oko mwisi oyo.

• Ehindi hyanya: Endeko yenyu yamabya iyikakolesaya eprezantware, muhireko akatabu Tsemera engebe kera na kera! Ubwire abo ukaha akatabu ngoko omundu akabya amahabwa akatabu ako, akigha n’eBiblia butsira eriliha. Ukakania naye, wanganamukangania ngoko abandu bakigha, kutse iwamubwira ghuti wasyamukangania ekindi kiro mwabitasyasungana. Omulebya w’omubírí anganasombola abatuliri abali n’obutoki, neryo ibaghenda omo myanya eyo bandu bakakoleramo eby’obuhingania omo kiharo kyenyu n’erisaba erigha nabo eBiblia. Kutya, wanganasaba erigha eBiblia haghuma n’abandu abo ukakola nabo omubírí kutse abandu abo ukasangana ukatulira kitsumbukirania.

Yesu mwatusaba ati ‘tuyire abigha’ n’ “erikangiriryabo.” (Mt 28:19, 20) Twanzire akambanye kano ikatuwatikya erikola omubírí oyo tukakolesya akatabu Tsemera engebe kera na kera!