ENGEBE Y’OMUKRISTO
Ebyangatuwatikya eritendibya tukalindirirya emyatsi
Oyukalindiriraya emyatsi syalikola ebyo alwe inyabiriteghekania erikola, neryo inyayibwira ati akendisyakolabyo kindi kiro. Yehu kwatabyatya. Yehova abere amubwira ati abugheho ekihanda kya Ahabu, mwalunyakola luba. (2Bam 9:6, 7, 16) Abandu balebe banganabugha bati: “Emyaka ibiri siyendihwa isindinabatisibwa.” “Ngenditsuka lino-lino eribya ngasoma eBiblia obuli kiro.” “Ngendibya nabana omubírí ow’uwene, ngendilunatsuka obupainia.” EBiblia yanganatuwatikya eritendibya tukalindirirya emyatsi, kutsibu-tsibu emyatsi eyilebirye eriramya lyetu.
Emilondo eno yanganatuwatikya yiti eritendibya tukalindirirya emyatsi?