Esomo 1

Wangaminya ghuthi eky’oMungu akakurondako

Emyatsi mikulu eyikabanika omo Biblia ni yahi? (1)

Omusakangi Mukulu w’eBiblia nindi? (2)

Busanaki litholere iwigha eBiblia? (3)

1. Ebiblia ni kihembo ky’obughuli bunene ekyalebekawa n’oMungu. Yiri ng’akababe oko thatha w’olwanzo akalebeka abana biwe. Yikathubwira ekwenene ok’oMungu​—Iye nga nindi kandi ng’akalangira emyatsi y’athi. Yikathowisaya ngoko thwangalwà n’amaghali kandi ngoko thwangasunga obutseme obw’ekwenene. Ebiblia nyisa yo yikathukanganaya ekyo thwangakola okw’itsemesya oMungu.​—Esyonyimbo 1:1-3; Isaya 48:17, 18.

2. EBiblia yasakangawa n’abalume mbiriri mbiriri hakuhi 40 omo birimo 1 600, eritsuka oko 1513 M.M.W. Yiri mo hithabu hikehike 66. Abosi abasakanga eBiblia basondolibawa n’oMungu. N’ibugha ambu amalengekania wuwe wobasakanga, butsira awabo. Neryo oMungu w’elubula, Yo Musakangi mukulu w’eBiblia, butsira omundu wosi wosi w’omo kihugho.​—2 Timoteo 3:16, 17; 2 Petero 1:20, 21.

3. OMungu mw’atheya athi eBiblia isakangawe ngendo ngendo iyinathunganene kandi mw’alanda kuyo. Emighanzo y’esyobiblia esyabirikokothibwa yilengire ey’ebindi bithabu byosi. Uminye kw’abandu bosi sibangatsema bakalangira ukigha eBiblia, aliwe ekyo sikikuluhaye. Engebe yaghu y’erikotha oko biro bikasa yikwamene n’eriminya oMungu n’erikola erisonda liwe n’omo bangakuhanganirako.​—Matayo 5:10-12; Yoane 17:3.