Esomo 8

Engebe y’obunyumba eyikatsemesaya oMungu

Omwanya w’omulume omo bunyumba ni wahi? (1)

Omulume angathegheka mukali wuwe y’athi? (2)

Emibírí y’omulume ni yahi? (3)

Emibírí y’omukali ni yahi? (4)

Ni kihi eky’oMungu akaronda oko babuthi n’oko bana? (5)

Obulengekania bw’eBiblia ni bwahi okw’ilwamo n’okwikathulana? (6, 7)

1. EBiblia ikabúgha yithi omulume ni muthwe w’obunyumba buwe. (1 Abanya korinto 11:3) Omulume litholere iniabya n’omukali mughuma musa. Litholere ibathahania ndeke ndeke erikwama n’emighambo y’eleta.​—1 Timoteo 3:2; Tito 3:1.

2. Litholere omulume inianza omukali wuwe ngoko ayanzire. Litholere iniathegheka omukali wuwe ko Yesu akathegheka abigha biwe. (Abanya Efeso 5:25, 28, 29) Syangathaswirya omukali kutse erimukubungula ko nahake. Aliye, litholere iniamukangania olukengerwa n’erisikya.​—Abanya Kolosai 3:19; 1 Petero 3:7.

3. Yo thatha litholere iniayitsinga oko mubírí athoke erilembera enyumba yiwe. Litholere iniaha mukali wuwe n’abana biwe b’akalyo, omwambalo, n’obwikalo. N’akandi, litholere iniawathikya ab’omo nyumba yiwe eriminya ekinywa ky’oMungu. (1 Timoteo 5:8) Akimanira eriwathikya abw’omo nyumba yiwe bighe eriminya oMungu n’erisonda liwe.​—Eryibuka ebihano 6:4-9; Abanya Efeso 6:4.

4. Litholere omukali iniabya muwathikya oyuwene w’iba wiwe. (Enzuko 2:18) Kandi iniamuwathikya okw’ikangirirya abana n’eribakulya. (Emisyo 1:8) Yehova akasaba athi omukali inialembera abw’omo nyumba yiwe b’omo lwanzo. (Emisyo 31:10, 15, 26, 27; Tito 2:4, 5) Kandi iniabya n’erisikya linene okw’iba wiwe.​—Abanya Efeso 5:22, 23, 33.

5. OMungu akasaba abana eryowa ababuthi babo. (Abanya Efeso 6:1-3) Akasaba ababuthi eriyisya n’erikunga abana babo. Ababuthi litholere ibabya bakasiba n’abana babo bathoke eribakangirirya eBiblia, eribawathikya eriminya oMungu, n’eribakolera ebikatsemesaya omuthima. (Eryibuka ebihano 11:18, 19; Emisyo 22:6, 15) Litholere ababuthi ibisirirya abana babo butsira eritsuruma kutse ekinigha.​—Abanya Kolosai 3:21.

6. Omulume n’omukali bamathendihulikirirana, litholere ibahirika erikwama amahano w’eBiblia. Ebiblia yikathutsughumatiraya erikangania olwanzo n’eribughirana. (Abanya Kolosai 3:12-14) Ekinywa ky’oMungu sikiritsotsomeraya erilwamo mo nzira ey’eribughaho erithendihulikirirana. Aliye omukali anganalwa mo mwira wuwe amabya (1) n’erighundu ly’erithendilembera ab’omo nyumba yiwe, (2) akatsatsuha okw’ihika erihira engebe n’obuyingo bwiwe b’omo bwiko, kutse (3) amuhanganire ko kutsibu erhika oko kika ky’erithaluka eriramya Yehova.​—1 Abanya Korinto 7:12, 13.

7. Abathahenie litholere ibabya abathereghula. Erisingira ni rilolo linene oko Mungu n’ok’owomwaghu. (Abaebrania 13:4) Erighotsera haghuma n’oyuthe ow’omwaghu yo nzumwa nyisa omo masako eyihere abathahenie b’enzira y’erikathulana n’erihikya lihyalihya. (Matayo 19:6-9; Abanya Roma 7:2, 3) Yehova abeherwe abakakathulana n’erihika oko luthahyo luhya isihali nzumwa eyihambene na masako.​—Malaki 2:14-16.

[Esyofoto oko bukurasa 16, 17]

Yehova akasaba ababuthi eriyishya abana babo n’eribakunga

[Efoto oko bukurasa 17]

Thatha w’olwanzo akalisaya ab’omo nyumba yiwe eby’omubiri n’eribakangirirya emyatsi y’oMungu