Esyofranka esikawatikaya omubiri wetu alole embere omo kihugho kyosi sikalwahi?

Endondeko yetu ikahulukaya n’erighaba esyo Biblia nyingyi kutsibu n’ebindi bitabu obuli mwaka butsirighulya byo. Tukahimba n’erisugha Ebisenge by’Obwami n’esyo Beteli. Abanya Beteli banene n’abamisionere bakawatikibawa, kandi tukawatikaya abakatingawa omo bitsinduli. Nikwa wanganayibulya uti esyofranka esi sikalwahi?’

Situlisaba-saba ebihembo, e moya ya kumi, kutse situlilabaya ekibo. N’omo omubiri wetu akakolawa omo franka nene, situlilabaya ekibo ky’omo bandu. Habirihwa myaka eyilabire 100, oMunara wa Mulinzi owabya w’akabiri erihuluka mwakangania ati twasi ngoko Yehova yo tuyiketere kandi “sitwendisyalagha kutse erisaba-saba obuwatikya bw’abandu.” Ko bikinaghenda bitya!​—Matayo 10:8.

Emibiri yetu yikawatikibawa omo bihembo ebyo bandu bakaleta omwanza lyabo. Abandu banene bakatsemera omubiri wetu owerighisya eBiblia, neryo bakaleta ebihembo ebyo bakabana. Abimiri ba Yehova ibobene-bene bakakolesaya endambi yabo, akaghala kabo, esyofranka n’ebindi ebyo bawiteko erilolya omubiri w’oMungu embere omo kihugho kyosi. (1 Emyatsi y’Emigulu 29:9) Omo Bisenge by’Obwami n’eyo tukakolera emihindano mikulu-mikulu yikabya ehisanduku hy’eritogheryamo ebihembo by’esyofranka ebyo wangabana. Ebihembo ebi byanganakolwa omwilabira e adrese yetu ye Enternete, jw.org. Abanene abakatogherayamo sibawite esyofranka nene, bali ng’omukali mukwirwa omwera oyo Yesu apipa busana mw’atogherya omo kibo ky’ehekalu ebitsere bike bibiri. (Luka 21:1-4) Busana n’ekyo omundu wosi-wosi anganabya ‘akabika [oluke]’ lw’erihiramo ‘ngoko abiriyisogha omo mutima wiwe.’​—1 Abanya Korinto 16:2; 2 Abanya Korinto 9:7.

Tw’ikirirye ngoko Yehova akendilola embere erileka abandu abanzire ‘erimusikya omo bindu bawiteko’ erilolya embere omubiri w’Obwami, erisonda liwe litoke erikoleka.​—Emisyo 3:9.

• Ni kyahi ekikaleka edini yetu iyitasosa esindi dini?

• Ebihembo bikakolisibawa biti?