EBiblia, ukalangira y’uthi?
Ukalengekania uthi . . .
ni kithabu ekirim’obwenge bw’abandu?
ni kithabu ky’eshongano esithe sy’ekwenene?
ni Kinywa ky’oMungu?
EBIBLIA IKABUGHA YITHI
“Amasako wosi [oMungu] yowatheghekanayagho.”—2 Timoteo 3:16, Kinandi Bible, 1996.
ERIKIRIRYA EBIBLIA LIKANDIKUWATHIKYA LITHI?
Ukandiminya eby’eBiblia ikakusubiraya oko mabulyo makulu makulu.—Emisyo 2:1-5.
Ukandisondolibwa ndeke obuli kiro.—Esyonyimbo 119:105.
Ukandibya n’eriyikethera elitholere omo biro bikasa.—Abanya Roma 15:4.
EBY’EBIBLIA IKABUGHA NINA KWENENE?
Hali myatsi eyisathu eyikaleka thwikirirya:
Obughuma bw’amasako bukaswekaya. Mohalaba ebirimo 1 600 eBiblia iyinemuhandikwa n’abandu hakuhi 40. Abangi ba mubo mobathalolana ko. Aliwe, ebithabu byosi eby’eBiblia bikanirye oko nzumwa ngulu ngimerera!
EBiblia siyiribisa mwatsi. Abasakangi bangi bakabisa obubi bwabo n’obw’ekihugho kyabo. Naho abasakangi b’eBiblia mobathabisa obubi bwabo n’obw’ekihanda kyabo.—2 Emyatsi y’Emigulu 36:15, 16; Esyonyimbo 51:1-4.
Emyatsi eyo Biblia yabugha kera ikahikerera. Ebirimo 200 embere, eBiblia moyabugha ngoko omuyi w’eBabiloni ukandisyasambulwa. (Isaya 13:17-22) Moyakangania n’erina lyo yukendisyasambulawo!—Isaya 45:1-3.
Emyatsi yindi yosi eyo Biblia yabugha embere moyahikerera kwenene kwenene. Ekinywa ky’oMungu ko kitholere ikyabya kithya!—2 Petero 1:21.
THERI YIBULYA
Erikwama ekinywa ky’oMungu lyangakuwathikya lithi?
EBiblia ikakanaya oko mwatsi oyo omo ISAYA 48:17, 18 n’omo 2 TIMOTEO 3:16, 17.