ESOMO 13

Erikangania abahulikiriri ngoko bangakolesya omwatsi

Emisyo 3:21

OMO KIKUHI: Watikaya abahulikiriri baghu eriyiteghererya ngoko omwatsi angatula oko ngebe yabo, kandi bakanganaye nga bangakolesya bati ebyo bamigha.

NGOKO WANGAKOLA:

Ulengekanaye oko bahulikiriri baghu. Ughaniraye busanaki abahulikiriri baghu batolere erihulikirira omwatsi owo ukendikaniako, kandi lengekanaya nga ni nzumwa syahi esikendibawatikya kutsibu.
Omo mukania waghu wosi, ubye iwunemukangania ekyo abahulikiriri baghu batolere ibakola. Erilua oko nzuko, obuli muhulikiriri atolere inyayibwira ati, ‘Eki ni ky’omughaso okwingye.’ Ukakania oko buli nzumwa ngulu, kanganaya ngoko yangakolesibwa. Isiwakanaya oko mwatsi kw’endata-ndata.

Kanaya omo lwanzo n’omo bolo omughulu ukakanganaya ngoko akanuni k’eBiblia kangakolesibwa. Omo mwanya w’erileka abandu ibayowa nga bali n’amakosa, ubawatikaye babye n’olwanzo lunene n’eribya n’obwikirirya obuwatire, kandi uminye ngoko emitima yabo ikendibakuna erikola ebyuwene.