OMWATSI OKO ABAKASYAHINDANA

ABAKAKOKAYA Abakakokaya bahabirwe omubiri w’erikuwatikya. Tukakusaba erihambana nabo buke bwa kuboko omw’ikwama obusondoli bwabo obulebirye eparkingi, erisondola abandu, ah’erikala, n’eyindi myatsi.

OLUBATISO Ebitumbi by’embere ye jukwaa bikendisyateghekanibwa busana n’abakendibatisibwa. Abakendibatisibwa batolere ibikala omo mwanya oyo, omukania w’olubatiso isyalyatsuka omo asubui y’omo poso. Obuli mundu atolere inyaleta e esume (etawelo) n’esyongyimba esitolere esy’eribatisirwamo.

EBIHEMBO Tulyakolesaya esyofranga nyingyi tutoke eribana omwanya owuwene w’erikoleramo emihindano yetu, ebindu by’emilenge n’eby’esyovideo ebyuwene, n’erikola eyindi myatsi tutoke eritsemera emihindano n’eriyitunda hakuhi na Yehova. Ebihembo ebyo ukateka bikawatikaya erisubyaho esyofranga esiryakolesibawa kandi syanganawatikya omubiri w’omo kihugho kyosi. Eryolobya omwatsi, ebibweta by’eritogheryamo byabirihirwa omo myanya mbiriri-mbiriri. Kandi wanganateka ebihembo erilabira e site yetu ye Enternete oko donate.jw.org. Tukasima kutsibu busana n’ebihembo byosi ebyo mukateka. Akatunga Akakasondola kakateka erisima busana n’omutima wenyu w’erihitya ow’eriwatikya emyatsi y’oBwami.

OBUBALYA BWA LUBA-LUBA Kisi, w’ibuke ngoko obubalya buno ni bw’abandu abakalwala kitsumbukirania basa.

EBIRYABUGHULAWA Ebyosi ebikabughulawa bitolere eritwalwa oko katongole k’Ebindu Ebiryabughulawa. Wamabya iwabiriherya ekindu, ughende oko katongole ako erirondya ekindu kyaghu. Abana ababirihera oko babuti babo, batolere ibatwalwa oko katongole ako. Aliwe, akatongole ako sikatolere erilangirwa nga w’omwanya w’erilemberera mw’abana. Babuti, tukabasaba kisi, muteghaye abana benyu kandi mw’ikale haghuma nabo.

EBITUMBI Tukakusaba kisi, utsomane abandi. W’ibuke ngoko, wanganabika ekitumbi busana n’ab’omo kihanda kyaghu, abo ulyasa nabo omo mutoka mughuma, abo w’ikere nabo omo nyumba nguma, kutse abo uk’igha nabo eBiblia. Isiwahira ekindu ky’oko kitumbi ekyo siwendikalako.

OMUBIRI W’ABAKAYIHERERA Wamanza eriyiherera eriwatikya oko mibiri y’oko ndegheka y’omuhindano munene ono, tukakusaba kisi ubwire abaghala betu abakahanganira aKatongole k’Omubiri w’Abakayiherera.

OMUHINDANO W’EMBAGHANE

Akalasi k’Abatuliri b’oBwami Abapainia abali n’emyaka y’eributwa eritsuka oko 23 erihika oko 65, abanzire erikolera Yehova yo kutsibu bamakokibwa oko muhindano w’abandu abanzire eriyasoma oko Kalasi k’Abatuliri b’oBwami, ow’akasyabya omo Yenga, omwitungyi. Hakasyabya omulaghe owakabaminyisaya aho omuhindano oyo akendisyakolwa kandi ng’akendisyakolwa oko ndambi syahi.