Hiraho eby’erilandamirira omo biro by’Eryibuka Oluholo lwa Yesu

Obuli mwaka, abandu ba Yehova bakatsemera erihindana haghuma oko Muhindano w’Eryibuka oluholo lwa Yesu. Omo mayenga w’embere n’enyuma sy’omuhindano w’eryibuka oluholo lwa Yesu, tukabya n’ehyanya hy’eripipa n’eriha Yehova y’ewasingya busana n’ekihembo ky’embanulo. (Efe 1:3, 7) Ng’ekyerileberyako, tukayikasa kutsibu erikokya abandi oko muhindano oyo. Abaghuma b’omw’itwe bakabindula esyondegheka syabo batoke eribya bapainia bawatikya abakalabaya esyosaha 30 kutse 50 omwitulira oko Mwisi 3 n’owa 4. Naghu wangananza eritulira kutsibu omo mughulu w’eryibuka oluholo lwa Yesu? Ekyangakuwatikya niki?

Kangyi-kangyi, tukatoka erikola ebingyi twamabiyiteghekania embere. (Emi 21:5) Kundi omughulu w’eryibuka oluholo lwa Yesu akisiya iniahika, ono w’omughulu w’eriyiteghekania. Ulengekanaye nga wasyakola ghuti utoke erilabya endambi nene omwitulira omo mughulu w’Eryibuka oluholo lwa Yesu, kandi ulengekanaye oko ebyo wangakola utoke eriberererya eriyisogha eryo.​—1Yoa 5:14, 15.

Ni nzira silebe syahi esyo wangakolamo kutsibu omo mubírí w’eritulira omo mughulu w’eryibuka oluholo lwa Yesu?