Emyatsi y’eriyighisya

Unemutsemera amafasirio w’Amasako awali omo kitabu Musaada wa Kutafuta Habari kwa Ajili ya Mashahidi wa Yehova?

Amafasirio awali omo kitabu ekyo anganakuwatikya eriminya emyatsi mingyi omo Kinywa ky’oMungu. Amafasirio ayo anganakangania ngoko emyatsi yabya omughulu ebiri omo mulondo mulebe byahandikawa, busanaki byahandikawa kandi busana nandi, kutse amaana w’ebinywa bilebe ebiri omo mulondo oyo.

Wamabitula oko mulondo mulebe w’eBiblia y’omo EKIBIKIRO KY’EBITABU EKIRI OKO ENTERNETE n’omo JW Library^® bikakutwala aho n’aho omo kitabu Musaada wa Kutafuta Habari kwa Ajili ya Mashahidi wa Yehova. Wanganabana amafasirio ayo omo syoBiblia syosi esy’erigha esiri.

Omughulu ukasoma amafasirio ayo, kumbe uwalebya ndeke nga ni wa mughulu wahi. Amafasirio mahya-mahya akabya oko nzuko. Ukalola eyikwa wanganabana emyatsi ya kera eyo mafasirio wayo abiribindulwa.

• Ekitabu Musaada wa Kutafuta Habari kwa Ajili ya Mashahidi wa Yehova kikabanika bweghu-bweghu omo EKIBIKIRO KY’EBITABU EKIRI OKO ENTERNETE.

• Wamanza eribana emilondo eyo babirifasiria, uhire ekitabu Musaada wa Kutafuta Habari kwa Ajili ya Mashahidi wa Yehova omo JW Library n’eribya ukahiramo ebitabu bihya-bihya byabyasa. Ekyo kikakolawa omwitula oko akahalama ake diama n’eryo iwatula oko Télécharger.