Emyatsi Y’eriyighisya

Usombole omwatsi ogho wangatsukirako erigha

Kundi itwe bosi tuwite endambi nge y’eriyighisya, twangayira tuti erikolesya endambi yetu yo ndeke? Eky’erimbere, ubye ukigha omo ndambi eyitosire. Omo mwanya w’eribya tukasoma emyatsi mingyi luba-luba litolere itwabya tukasoma emyatsi mike n’erilengekania kuyo.

Neryo, ubye ukasondekania emyatsi y’omughaso ey’eriyifunza. (Efe. 5:15, 16) Upime bino:

• Ubye ukasoma eBiblia obuli kiro. (Esy. 1:2) Kyanganuwana iwatsuka erisoma esyosura sy’eBiblia esyo tukendigha oko mihindano y’omo kati-kati k’eyenga.

• Ubye ukateghekania Akaleberyo k’Erigha n’omuhindano w’omo kati-kati k’eyenga. Ubye ukayiteghekania ndeke utoke eriteka ebisubiryo.​—Esy. 22:22.

• Erikwamana n’endambi yaghu, kisi uyikase erisoma eyindi myatsi mihya n’erikwama esyovideo n’ebindi ebiri oko jw.org.

• Wighe omwatsi ow’akakutsemesaya. Wanganakwesa-kwesa omwatsi owalebirye amaligho agho unemulabamo, eribulyo eryo ukayibulaya, kutse omwatsi mughuma w’omo Biblia ogho wanzire eriminya ndeke.