Eribana endundi erilabira oluholo lwa Yesu
Kaghuma oko mwaka, Abimiri ba Yehova n’amamilioni w’abagheni omo kihugho kyosi bakahindana haghuma eryibuka oluholo lwa Yesu, ngoko abugha. (Luka 22:19) Ekiro ekyo kikatwibukaya omughaso w’ekyo Yesu akola omughulu ahola busana n’abandu. Kandi kikatwibukaya endundi eyo twangabana munabwire n’omo mughulu ow’akasa busana n’oluholo lwiwe.—Yoane 3:16.
Wamabya imuwanahika okw’Ibuka oluholo lwa Yesu kutse iyehe oko mwaka ono, wangakolaki utoke eribana endundi erilabira oluholo lwa Yesu? Yesu mwakangirirya ngoko litolere itwakola emyatsi ibiri eyi ey’omughaso munene:
1. Wighe oko Mungu na Yesu. Akasaba Tata wiwe w’elubula, Yesu mwabugha ati: ‘Eyi ni ngebe yʼerikota, abandu bakuminye, uwe Mungu muguma wʼekwenene, nʼeriminya Yesu Kristo, oyo watuma.’—Yoane 17:3.
2. Ukolesaye ebyo ukigha. Yesu mwahiraho omuwato ati litolere itwakolesya omo ngebe yetu ebyo akatukangiriraya. Ekyerileberyako, mwabughirira Amahubiri Wiwe w’oko Kitwa omwibugha n’obuli mundu ‘oyukowa ebinywa biwe n’erikolabyo.’ (Luka 6:46-48) Kandi, mwabugha ati: “Mwamaminya emyatsi eyi, muli n’obutseme mwamakolayo.”—Yoane 13:17.
Wanganigha bingyi oko Yehova na Yesu? Wangananza eriminya ekyangakuwatikya erikolesya ebyo ukigha? Hano hane ebyangakuwatikya.
Erigha eBiblia
Tukigha eBiblia n’abandu omo nzira y’erikanirania kandi butsira eriliha. Ekyo kyabiriwatikya abandu bangyi erigha eBiblia n’erikolesyayo omo ngebe yabo.
Eriminya bingyi oko programe eno uye omo kitswe Erigha eBiblia.
Kwama evideo Twamakukokya oko funzo y’eBiblia eriminya Abimiri ba Yehova nga bakigha eBibia n’abandu yo bati.
Emihindano y’Abimiri ba Yehova
Abimiri ba Yehova bakahindana haghuma obuli yenga omo kiharo eky’eriramiryamo ekyo bakahulamo Ekisenge ky’Obwami. Oko mihindano eyo, tukigha eBiblia kandi ngoko twanganakolesya ebirimo omo ngebe yetu.
Obuli mundu akakokibawa oko mihindano eyo; si bughambu mupaka ubye Mwimiri imo wahika kuyo. Erikwamana n’emibere y’ewenyu, wanganakwama emihindano eyo yo kibiri-biri kutse omo nzira y’ekielektronike.
Kwama evideo Oko Kisenge ky’Obwami kukakolawa ki? eriminya nga bikabya biti oko mihindano eyo.
Eriminya emihindano ey’ehakuhi naho uli, uye omo kitswe Emihindano y’Abimiri ba Yehova.
Emyatsi eyiri oko Enternete n’esyovideo
Emyatsi mingi n’esyovideo ebiri oko site yetu eno byanganakuwatikya erigha bingyi oko makangirirya wa Yesu n’omughaso w’oluholo lwiwe.
Ng’ekyerileberyako, eriminya nga kyanganatokena kiti oluholo lw’omundu mughuma erisabula amamilioni w’abandu, soma emyatsi eno “Yesu Anatuokoa Namna Gani?” na “Sababu Gani Yesu Aliteseka na Kufa?” kutse lebaya evideo Yesu ahola busanaki?