Esyonzira isatu sy’eriyiketeramo Yehova

Dawidi mwakinda Goliata kundi mwayiketera Yehova. (1Sam 17:45) Yehova anzirie erikangania akaghala kiwe busana n’abaghombe biwe bosi. (2Emy 16:9) Twangayiketera tuti obuwatikya obo Yehova akateka omo mwanya w’eriyiketera ebyo twasi n’obutoki bwetu? Hane esyonzira isatu:

• Ubye ukasaba kangyi-kangyi. Isiwasaba lisa obughanyiri wabikola erilolo aliwe kandi erikuha akaghala omughulu wamahindana n’erilengwako. (Mt 6:12, 13) Isiwasaba lisa busana n’emiyisa ya Yehova okw’iyisogha eryo wabirikola aliwe kandi busana n’obusondoli bwiwe n’amenge embere w’eriyisogha.​—Yak 1:5

• Ubye ukasoma eBiblia n’erigha butsirileka. Soma eBiblia y’obuli kiro. (Esy 1:2) Uyihirireho akatambi ak’erilengekania oko by’erileberyako by’omo Biblia, kandi ukolesaye esyosomo esyo ulyigha. (Yak 1:23-25) Uyiteghekanaye okw’itulira omo mwanya w’eriyiketera ebyo wasi. Bana endundi yo ndeke omo mihindano y’endeko omw’iteghekania emihindano embere uye kuyo

• Ukole haghuma n’endondeka ya Yehova. Ubye ukaminya obusondoli obukalua oko ndondeka obuli oko butuku, kandi uluwakwamabo luba. (Emig 9:17) Uhulikirire abasyakulu omughulu bakateka erihano n’obusondoli.​—Ebr 13:17

MULEBAYE EVIDEO SIHALI EKYANGALEKA ITWASAGHA ERYENDERERIBWA, NERYO MUSUBIRAYE OKO MABULYO AWAKWAMIRE:

• Abaghala n’abali betu mobabya n’obuba bwaki?

• Ekyawatikayabo erilwa n’obuba obo niki?