ESOMO 14

Erihira omuwato oko syonzumwa ngulu-ngulu

Abaebrania 8:1

OMO KIKUHI: Watikaya abahulikiriri baghu erikwama omukania waghu wo ndeke, kandi ukanganaye ndeke ndeke ngoko obuli nzumwa ngulu yihambene n’ekyo omukania waghu akwamirire kandi ngoko yihambene n’omutwe wagho.

NGOKO WANGAKOLA:

Ubye n’ekyo ukakwamirira. Minya ekyo omukania waghu akakwamirira. Yibulaye nga; ly’eriminyisya, erilighisya, kutse erikuna abahulikiriri baghu erikola, neryo ulabayegho erikwamana n’ekyo. Uyikase esyonzumwa ngulu-ngulu syosi sikuwatikaye erihikira ekyo ukakwamirira.

Yibulaye: ‘Oko mwatsi oyu, abahulikiriri bangabya n’amabulyo n’eritika-tika ryahi? Bangatondeka bati amabulyo wabo n’emyatsi eyo bakatika-tikira?’ Neryo naghu utondeke esyonzumwa ngulu-ngulu sy’omukania waghu syo utya abahulikiriri baghu batoke erikukwama ndeke, eryowa n’eriligha ebyo ukakangiriraya.
Uhire omuwato oko mutwe w’omukania waghu. Ukalabya omukania, ubye ukibukya omutwe wagho omwisuba omo binywa bikulu-bikulu ebirimo, kutse omwikolesya ebindi binywa ebisosirebyo.
kanaye ndeke ndeke oko syonzumwa ngulu-ngulu kandi omo mibere eyolobire. Wimaye esyonzumwa ngulu-ngulu esihambene n’omutwe sisa, esyo wangatoka erilabya omo katambi ako bakuhere. Esyonzumwa ngulu-ngulu isisyabya nyingyi. Tsuka ndeke obuli nzumwa ngulu, huna hake embere ubughe eyindi, kandi enguma yabihwa uwaghenda oko yindi.

Wanganahula esyonzumwa ngulu-ngulu ukatsuka omukania eriwatikya abahulikiriri baghu erikukwama ndeke, kutse iwasuba musyo omo binywa by’eribuyirira eriwatikya abahulikiriri baghu eryibukasyo.