ESOMO 8

Eby’erileberyako ebikakangiriraya

Matayo 13:34, 35

OMO KIKUHI: Omwikangirirya ryaghu, ukolesaya emifano kutse eby’erileberyako eby’olobire ebyangaleka abahulikiriri baghu ibayiteghererya ndeke kandi ebyangakangirirya esyonzumwa ngulu-ngulu.

NGOKO WANGAKOLA:

Ukolesaye eby’erileberyako ebyolobire. Nga Yesu, kolesaya ehindu hike-hike erikangirya ebindu binene-binene, kutse kolesaya ebyolobire erikangiriyra ebikalire. Isiwahira omo mifano kutse eby’erileberyako mw’emyatsi eyitawite mughaso eyangaleka ikyakala eryowa. Lebaya ebiri omo eby’erileberyako nga binahambene kwenene n’enzumwa eyo wanzire erikangirirya; ekyo kikendiwatikya abahulikiriri baghu isibalengemerawa n’emyatsi mingyi eyite y’omughaso.

Ubye ukasamalira ndeke. Ubye ukasamalira ebikutimbireko, erisoma ebitabu byetu, kandi uhulikirire ndeke abasi erikangirirya. Ukakola utya, ubane mw’eby’erileberyako ebyo wangakolesya eryuwania erikangirirya ryaghu. Ubye n’aho ukabika eby’erileberyako ebyo.
Ulengekanaye oko bahulikiriri baghu. Sombola eby’erileberyako ebihambene n’emibírí y’abahulikiriri n’ebyo bakatsemera. Yiteghaye okwikolesya emifano kutse eby’erileberyako ebyangahemula kutse erihitania abandi.
Ukangiriraye esyonzumwa ngulu-ngulu. Kolesaya eby’erileberyako erikangirirya emyatsi mikulu-mikulu, butsira eyitawite omughaso. Uhakikisaye ngoko omuhulikiriri waghu syendibuka eky’erileberyako kisa, aliwe n’enzumwa eyiri mukyo.