Wighe erilabira esyopitsa

Ebitsapo byetu birimo esyopitsa nyingyi esikatukangiriraya emyatsi y’omughaso. Wangakolesyasyo ghuti utoke eribana endundi?

• Ngoko omundu akanza erirya akalyo akatsemesirye omo meso, kutya, esyopitsa sy’omo bitsapo byetu syanganakuhiramo omuhwa w’eryanza erisoma omwatsi mulebe. Embere sy’erisoma omwatsi mulebe, utsuke wayibulya uti, ‘ni pitsa syahi esyo namalangira?’—Amo. 7:7, 8.

• Ukasoma omwatsi mulebe, uyibulaye busanaki esyopitsa esyo musikahirawa omo mwatsi oyo. Hamabya ihane ebinywa ebikakanaya oko syopitsa, utsuke wasomabyo. Ulebaye esyopitsa nga sihambene siti n’omwatsi owakakanibawako kandi ngoko wangakolesya ebyo wamigha oko syopitsa esyo omo ngebe yaghu.

• Wabisoma omwatsi mulebe, utasyalebya esyopitsa erikuwatikya eryibuka esyonzumwa ngulu sy’omo mwatsi oyo. Neryo ukinge ameso waghu, uteryibuka esyopitsa n’ebyo wamigha kusyo.

• Uterisyalebya esyopitsa sy’omo gazeti eno n’erilebya nga ukinibukire esyonzumwa ngulu esyo uligha.