• 2 AmaKhosi 7:1
    IBhayibheli ImiTlolo ECwengileko

    • 7 Nje-ke u-Elitjha wathi, “Lalelani ilizwi lakaJehova. UJehova uthi: ‘Kusasa ngesikhathesi esangweni* leSamariya, isilinganiso seseya* yeflowuru esefiweko sizokuthengiswa ngetjhekeli* begodu iinlinganiso ezimbili zeseya yebhali zizokuthengiswa ngetjhekeli.’”+

  • Isaya 55:10, 11
    IBhayibheli ImiTlolo ECwengileko

    • 10 Njengombana izulu negabhogo zehlela phasi zivela ezulwini

      Begodu zingabuyeli emva bekube kulapho zithambisa iphasi, zilenze likhiqize bese lihlume,

      Zinikela otjalako imbewu noburotho kiloyo odlako,

      11 Kuzokuba njalo ngelizwi eliphuma emlonyenami.+

      Angeze libuyele emva kunganamphumela,+

      Nakanjani lizokuzalisa lokho okungithabisako,+

      Begodu lizokuphumelela kilokho engilithumela bona likwenze.