8 “Ningalibali ukugidinga iSabatha ngombana licwengile.+ 9 Kufuze nisebenze amalanga asithandathu,+ 10 kodwana ilanga lekhomba liSabatha lakaJehova uZimenu. Kufuze ningasebenzi, wena, indodanakho, indodakazakho, isigqila sakho esiduna, isigqila sakho esisikazi, ifuywakho namkha umuntu ovela kwenye inarha osemzinakho.+

3 “‘Ningasebenza amalanga asithandathu kodwana ilanga lekhomba lisabatha, lilanga lokuphumula,+ umhlangano ocwengileko. Akukafuzi nenze nanyana ngimuphi umsebenzi. Kufuze kube lisabatha lakaJehova nanyana kukuphi lapha nihlala khona.+

24 “Tjela ama-Israyeli uthi, ‘Ngenyanga yekhomba, ngelanga lokuthoma lenyanga, kufuze niphumule kiyo yoke imisebenzenu, ilangeli lizokumenyezelwa ngokuvuthelwa kwebhorompita+ ukwenzela bona nikhumbule ukuthi mhlangano ocwengileko.

4 Kodwana ngomnyaka wekhomba kufuze kube lisabatha lokuphumula kwenarha, isabatha lakaJehova. Akukafuzi utjale namkha uthene imithi yamadiribe.

11 Iminyaka ema-50 izokuba liJubili kini. Akukafuzi nitjale namkha nivune ikoroyi ezimileleko keyasalako nanivuna ikoroyi namkha nibuthelele amadiribe wemithi engakathenwa.+