10 UJudasi Iskariyodi, omunye wabaliTjhumi namBili, waya ebaphristini abakhulu bona ayokuthengisa uJesu kibo.+ 11 Nabezwa lokho, bathaba bamthembisa ukumnikela imali yesiliva.+ Yeke wathoma ukufuna ithuba lokumthengisa.

3 Yeke uSathana wangena kuJudasi, okuthiwa ngu-Iskariyodi, obekangomunye wabaliTjhumi namBili,+ 4 yena wakhamba wayokukhulumisana nabaphristi abakhulu nabaphathi bethempeli ngokuthi angamthengisa njani kibo.+ 5 Nabezwa lokho bathaba bebavuma ukumnikela imali yesiliva.+ 6 Naye wavuma, wathoma nokufuna ithuba elihle lokumthengisa kibo, isiqubuthu singekho.