Eksodusi

11 UJehova wathi kuMosi: “Kunesinye isibetho engizosiletha phezu kwakaFaro neGibhide. Ngemva kwalokho uzonivumela bona nikhambe.+ Kwamambala uzoniqotha.+ 2 Nje-ke tjela abantu bona woke amadoda nabafazi kufuze babawe abomakhelwana babo babaphe izinto ezenziwe ngesiliva negolide.”+ 3 UJehova wenza ukuthi amaGibhide abe nomusa ebantwini bakwa-Israyeli begodu uMosi bekahlonitjhwa khulu enarheni yeGibhide, ahlonitjhwa ziinsebenzi zakaFaro nabantu bakhona.

4 Nje-ke uMosi wathi: “UJehova uthe, ‘Phakathi kobusuku ngizokuya eGibhide,+ 5 woke amazibulo asenarheni yeGibhide azokufa,+ kusukela ezibulweni lakaFaro ombusi ukuyokufikela emntazaneni osigqila osebenza elitjeni lokusila nawo woke amazibulo wefuyo.+ 6 Kuzokuba nesililo esikhulu eGibhide, isililo esingakhenge khesibe khona nesingekhe sisaba khona godu.+ 7 Akunantwembi ezokwenzeka kuma-Israyeli nefuywenawo ngitjho nenja angekhe iwakhonkothe iwathuse, ukwenzela bona nazi ukuthi uJehova angenza umehluko hlangana namaGibhide nama-Israyeli.’+ 8 Zoke iinsebenzi zakho zizokuza kimi zikhothame phambi kwami zithi, ‘Khamba nabantu boke abakulandelako.’+ Ngemva kwalokho ngizokuphuma.” Wasuka kuFaro asilingeke khulu.

9 UJehova wathi kuMosi: “UFaro angekhe akulalela,+ lokhu kuzokwenza bona ngenze iimangaliso ezinengi enarheni yeGibhide.”+ 10 UMosi no-Aroni benza zoke iimangaliswezi phambi kwakaFaro+ kodwana uJehova wavumela uFaro bona abe nekani kangangobana akhenge avumele ama-Israyeli bona akhambe enarhenakhe.+