IsAmbulo Esiya KuJwanisi
22 Yangitjengisa umlambo wamanzi wokuphila,+ utsenge njengekhristali, ugeleza uvela esihlalweni sobukhosi sakaZimu neMvana+ 2 wehlela hlangana nendlela ekulu yedorobho. Mahlangothi womabili womlambo bekunemithi ethela imihlobo eli-12 yeenthelo, ithela iinthelo zayo qobe nyanga. Amakari wemithi leyo bekungewokulapha iintjhaba.+
3 Angekhe kusaba nesiqalekiso. Kodwana isihlalo sobukhosi sakaZimu neseMvana+ sizokuba sedorobhenelo, iinceku zakhe zizokunikela kuye umsebenzi ocwengileko, 4 zizokubona ubuso bakhe+ negama lakhe lizokuba seempandla zazo.+ 5 Godu ubusuku angekhe busaba khona,+ angekhe zisatlhoga nokukhanya kwesibani namkha ukukhanya kwelanga ngombana uJehova* uZimu uzozikhanyisela+ begodu zizokubusa njengamakhosi bekube ngokungapheliko.+
6 Wathi kimi: “Amezwi la athembekile begodu aliqiniso;+ iye, uJehova,* uZimu ophefumulele abaphorofidi,+ uthumele ingilozakhe bona itjengise iinceku zakhe izinto okufuze zenzeke msinyana. 7 Qala! Ngiyeza msinyana.+ Uyathaba nanyana ngubani olalela amezwi wesiphorofido somsongo lo.”+
8 Mina Jwanisi, ngimi obekezwa begodu abona izintwezi. Ngathi nangizizwako begodu ngizibona, ngaguqa eenyaweni zengilozi ebeyingitjengisa izintwezi bona ngiyilotjhe. 9 Kodwana yathi kimi: “Yelela! Ungakwenzi lokho! Ngiyinceku nje kwaphela ekunye nawe neyabafowenu abaphorofidi neyalabo abaphetha amezwi womsongo lo. Lotjha uZimu.”+
10 Godu yathi kimi: “Ungawavali amezwi womsongo lo ngombana isikhathi esibekiweko sitjhidele. 11 Ongakalungi akarage ngokungalungi, osilapheleko akarage ekusilaphaleni kwakhe kodwana olungileko akarage ekulungeni nocwengileko akarage ngokucwengeka.
12 “‘Qala! Ngiyeza msinyana, umvuzo engiphana ngawo unami bona ngibuyisele ngamunye ngokomsebenzakhe.+ 13 Ngingu-Alfa no-Omega,*+ wokuthoma newamaswaphela, isithomo nesiphetho. 14 Bayathaba labo abahlanza izambatho zabo+ ukuthi bafumane ilungelo lokuya emithini yokuphila+ nokobana bangene edorobheni ngamasangwalo.+ 15 Ngaphandle kunezinja* nalabo abenza ubungoma nalabo abaziphatha kumbi ngokomseme* nababulali nabalotjha iinthombe nawo woke umuntu othanda begodu aphile ngokuleya amala.’+
16 “‘Mina, Jesu, ngathumela ingilozami bona inikele ubufakazi malungana nezintwezi ngebanga lamabandla. Ngimrabhu nesizukulwana sakaDavida+ nekwekwezi yokusa ephazimulako.’”+
17 Ummoya nomakoti+ basolo bathi, “Yiza!” Godu nanyana ngubani ozwako akathi, “Yiza!” Godu nanyana ngubani owomileko akeze+ nanyana ngubani othandako akathathe amanzi wokuphila ngesihle.+
18 “Nginikela ubufakazi ngananyana ngubani ozwa amezwi womsongo lo: Nangabe kukhona ongezelela ezintwenezi,+ uZimu uzomngezelelela iimbetho ezitlolwe emsongweni lo+ 19 godu nangabe kukhona okhupha okuthileko emezwini womsongo wesiphorofidwesi, uZimu uzokukhupha isabelo sakhe emithini yokuphila+ nedorobheni elicwengileko,+ okuzizinto ezitlolwe emsongweni lo.
20 “Loyo ofakaza ngezintwezi uthi, ‘Kwamambala, ngiyeza msinyana.’”+
“Amen! Yiza, Kosi Jesu.”
21 Kwanga umusa omkhulu weKosi uJesu ungaba nabacwengileko.