Yokuthoma YeenKronike
16 Yeke bangenisa umFaji kaZimu weqiniso, bawubeka ngaphakathi kwetende uDavida ebekalihlomele wona;+ benza iminikelo etjhiswako nemihlatjelo yetjhebiswano phambi kwakaZimu weqiniso.+ 2 Kuthe uDavida nakaqeda ukunikela iminikelo etjhiswako+ nemihlatjelo yetjhebiswano,+ wabusisa abantu egameni lakaJehova. 3 Ngaphezu kwalokho, wabela indoda ngayinye nomfazi ngamunye kwa-Israyeli uburotho oburondo, ikhekhe leenthelo zesundu nekhekhe lamadiribe omisiweko. 4 Ngemva kwalokho, wabeka amanye wamaLevi bona asebenze phambi komFaji kaJehova+ bona ahloniphe,* athokoze bekadumise uJehova uZimu ka-Israyeli. 5 U-Asafa+ bekayihloko, alandelwa nguZakariya; uJehiyeli, uTjhemiramothi, uJerhiyeli, uMatitiya, u-Eliyabu, uBhenaya, u-Obede-Edomu noJehiyeli+ bebadlala iinliliso zesinara namaharibha;+ u-Asafa bekadlala amasimbali,+ 6 uBhenaya noJarhaziyeli abaphristi bebavuthela iimbhorompita qobe phambi komfaji wesivumelwano kaZimu weqiniso.
7 Kungesikhatheso-ke lapho uDavida athoma khona ukutlama ingoma yokuthokoza uJehova begodu wayala u-Asafa+ nabafowabo bona bayivume bathi:
10 Zikhakhaziseni ngegama lakhe elicwengileko.+
Iinhliziyo zalabo abafuna uJehova azithabe.+
11 Funani uJehova+ namandlakhe.
Funani isizo lakhe qobe.+
12 Khumbulani imisebenzi ekarisako ayenzileko,+
Iimangaliso zakhe nezahlulelo azimemezeleko,
13 Nina nzukulwana zaka-Israyeli incekwakhe,+
Nina madodana kaJakopo, abakhethiweko bakhe.+
14 UnguJehova uZimethu.+
Izahlulelo zakhe zisephasini loke.+
15 Khumbulani isivumelwano sakhe ngokungapheliko,
Isithembiso asenzileko,* eenkulungwaneni zeenzukulwana,+
16 Isivumelwano asenza no-Abrahama,+
Nesifungo asifunga ku-Isaka,+
17 Asiqinisekisa njengomthetho kuJakopo+
Nanjengesivumelwano esihlala ngokungapheliko ku-Israyeli,
18 Wathi, “Ngizoninikela inarha yeKanana+
Bona ibe lilifa enabelwe lona.”+
19 Lokhu wakutjho nisesembalwa,
Iye, nisesembalwa khulu begodu nibabantu abavela kwenye inarha.+
20 Bebasolo bakhamba basuka kwesinye isitjhaba baya kwesinye,
Begodu basuka komunye umbuso baya komunye.+
21 Akhenge avumele nanyana ngubani bona abagandelele,+
Kodwana wajezisa amakhosi ngebanga labo,+
22 Wathi, ‘Ningathinti abazesiweko bami,
Begodu ningenzi litho elimbi ebaphorofidini bami.’+
23 Iphasi loke alibhinele uJehova!
Memezelani isindiswakhe ilanga nelanga!+
24 Memezelani iphazimulwakhe hlangana neentjhaba,
Imisebenzakhe ekarisako hlangana nazo zoke iintjhaba.
25 UJehova mkhulu begodu ufanele ukudunyiswa.
Ubabazeka ukudlula boke abanye abozimu.+
28 Nikelani uJehova okumfaneleko, nina mindeni yeentjhaba,
Nikelani uJehova okumfaneleko ngebanga lephazimulo namandlakhe.+
Khothamani phambi kwakaJehova* nimbethe izambatho ezicwengileko.*+
30 Iphasi loke alithuthumele phambi kwakhe!
Iphasi lidzimelele, angeze lasikinywa.+
31 Izulu alithabe begodu iphasi lijekezele;+
Memezelani hlangana neentjhaba nithi: ‘UJehova ube yiKosi!’+
32 Ilwandle alidume nakho koke okukilo;
Amasimu nakho koke okukiwo akuthabe.
33 Ngesikhathi esifanako imithi yehlathi ayirhuwelele ngethabo phambi kwakaJehova,
Ngombana uyeza azokwahlulela iphasi.
35 Nithi, ‘Sisindisa, Zimu wesindiswethu,+
Sibuthelela bewusisindise eentjhabeni,
Bona sithokoze igama lakho elicwengileko+
Besikudumise ngethabo.+
36 Kwanga uJehova, uZimu ka-Israyeli angadunyiswa
Ngokungapheliko.’”
Boke abantu bathi, “Amen!”* begodu badumisa uJehova.
37 Nje-ke uDavida watjhiya u-Asafa+ nabafowabo lapho phambi komfaji wesivumelwano kaJehova bona basebenze qobe phambi komFaji,+ ngokuvumelana nekambiso yaqobe langa.+ 38 U-Obede-Edomu nabafowabo, abama-68, no-Obede-Edomu indodana kaJedutuni, noRhosa bebabalindisango; 39 uTsadokhi+ umphristi nabaphristi abakunye naye bebaphambi kwethaberinakeli lakaJehova endaweni ephakemeko eGibiyoni+ 40 bona banikele qobe iminikelo etjhiswako kuJehova e-aldareni lomnikelo otjhiswako, ekuseni nantambama bebenze koke okutlolwe emThethweni kaJehova ayala ngawo u-Israyeli.+ 41 Hlangana nabo bekunoHemani noJedutuni+ nawo woke amanye amadoda akhethiweko agagulwe ngamagamawo bona athokoze uJehova,+ ngombana “ithando lakhe* lihlala ngokungapheliko”;+ 42 hlangana nabo bekunoHemani+ noJedutuni bona balilise amabhorompita, amasimbali neenliliso ezisetjenziselwa ukudumisa uZimu weqiniso; amadodana kaJedutuni+ bewasesangweni. 43 Ngemva kwalokho, boke abantu batjhinga eendlini zabo, uDavida wakhamba wayokubusisa umndenakhe.