Yokuthoma YeenKronike
14 URhiramu ikosi+ yeTirosi wathumela iinthunywa kuDavida neengodo zomsedari, abantu abakha ngamatje* nabasebenza ngeengodo ukuthi bayomakhela indlu.*+ 2 UDavida bekazi bona uJehova udzimelelise ubukhosi bakhe kwa-Israyeli+ ngombana ubukhosi bakhe baphakanyiswa khulu ngebanga labantu bakaZimu u-Israyeli.+
3 UDavida wathatha abanye abafazi godu+ eJerusalema, waba nguyise wamadodana namadodakazi amanengi.+ 4 Naka amagama wabantwana abelethelwa bona eJerusalema:+ NguTjhamuwa, uTjhobabi, uNathani,+ uSolomoni,+ 5 uJibirhari, u-Elitjhuwa, u-Eliphelethi, 6 uNoga, uNefegi, uJafiya, 7 u-Elitjhama, uBheliyada no-Elifelethi.
8 Kwathi amaFilista nakezwa ukuthi uDavida uzeswe bona abe yikosi ka-Israyeli woke,+ akhuphuka woke ayokufuna uDavida.+ UDavida nakezwa ngalokho, waphuma wayokulwa nawo. 9 Yeke amaFilista angena athoma ukusahlela emRhobeni wamaRafa.+ 10 UDavida wabuza uZimu, wathi: “Ngikhuphuke ngiyokulwa namaFilista na? Uzowanikela esandleni sami?” UJehova wamphendula wathi: “Khuphuka, nakanjani ngizowanikela esandleni sakho.”+ 11 Yeke uDavida wakhuphukela eBhali-Peratsimu,+ wawarhayila lapho. Ngalokho uDavida wathi: “UZimu weqiniso uhlule amanabami ngesandla sami, njengeboda eligirizwe mamanzi.” Kungebangelo babiza indawo leyo ngokuthi yiBhali-Peratsimu.* 12 AmaFilista atjhiya abozimu bawo lapho, yeke kwathi uDavida nakakhupha umyalo, abozimabo batjhiswa ngomlilo.+
13 Ngemva kwesikhathi esithileko, amaFilista abuya godu azokusahlela emrhobeni.+ 14 Godu uDavida wabuza uZimu weqiniso kodwana uZimu weqiniso wathi kuye: “Ungakhuphukeli kiwo ngokunqophileko. Kunalokho, bhoda ngemva kwawo, uwasahlele phambi kwamahlathi webhakha.+ 15 Kuzakuthi nawuzwa itjhada lokumatjha ngehla kwamahlathi webhakha, thoma usahlele ngombana uZimu weqiniso uzabe sekakukhambele phambili bona arhayile ibutho lamaFilista.”+ 16 Yeke uDavida wenza njengombana uZimu weqiniso amyalile,+ yena namadoda akunye naye balirhayila ibutho lamaFilista kusukela eGibiyoni kufikela eGezeri.+ 17 Idumo lakaDavida larhatjhekela kizo zoke iinarha begodu uJehova wenza bona zoke iintjhaba zimsabe.+