Narhume
3 Maye! Ngedorobho eliphalaza iingazi.
Lizele ikohliso nokugalaja.
Lihlala lidlelezela!
2 Ngizwa itjhada lesibebhu netjhada lamavilo,
Ngibona injomani egijimako nekarana egijima ngebelo.
3 Umkhweli wenjomani, isabula emanyazelako nomkhonto ocwebezelako,
Abantu abanengi ababuleweko neendumbu ezinengi,
Kuneendumbu ezinengi.
Abantu basolo bakhutjwa ziindumbu.
4 Lokhu kungebanga lezenzo ezinengi zobungwadla bengwadla,
Eqalekako nekarako, unina wabaloyi,
Othiya iintjhaba ngobungwadla bakhe nemindeni ngobuloyi bakhe.
5 “Qala! Ngijamelene nawe,”* kutjho uJehova wamabutho,+
“Ngizokuphakamisela isambatho sakho ebusweni bakho;
Ngizokwenza iintjhaba zibone ubulanzi bakho,
Nemibuso ibone ihlazo lakho.
6 Ngizokuphosa ukusilaphala phezu kwakho
Ngikwenze unyenyise;
Ngizokubukisa ngawe.+
7 Woke umuntu okubonako uzokubalekela+ athi,
‘INiniva itjhatjalalisiwe!
Ngubani ozokuzwelana nayo?’
Ngizobafumana kuphi abazokududuza?
8 Ungcono na kuneNo-Amoni,*+ ehlezi eduze kwemisele yeNayili?+
Beyibhodwe mamanzi;
Begodu ubunjinga bayo bekulilwandle namabodayo kulilwandle.
9 ITopiya beyimthombayo wamandla angapheliko, neGibhide.
IPhuthi+ neLibhiya bekubasizi bakho.+
10 Kodwana naye wadingiswa;
Waya ekuthunjweni.+
Abantwana bakhe badatjulwa baba ziinquqwana emakhoneni woke weendlela.
Baphosela abantu bakhe abahlonitjhwako ifumbe,
Begodu boke abantu bakhe abakhulu babotjhwe ngamakhamandela.
11 Nani nizokudakwa;+
Nikhambe niyozifihla.
Nizokufuna isivikelo emanabenenu.
12 Zoke iindawo zakho ezivikelekileko zinjengemithi yamafeyi eneenthelo zokuthoma ezivuthiweko;
Nayisikinywako, zizokuwela emilonyeni yabarhiribideli.
13 Qala! Amasotjakho anjengabafazi hlangana nawe.
Amasango wenarhakho azokuvulelwa amanabakho.
Umlilo uzokutjhisa iinsimbi zamasangwakho.
14 Lungisani amanzi enizowasebenzisa nanivinjezelweko!+
Qinisani iindawo zenu ezivikelekileko.
Yehlelani edakeni nigadange umdaka;
Begodu nenze iintina.
15 Ngitjho nalapho umlilo uzokurhiribidela.
Uzokubulawa ngesabula.+
Izokurhiribidela njengombana kwenza iintethe ezincani.+
Yenza abantu bakho babe banengi njengeentethe ezincani!
Iye, yenza abantu bakho babe banengi njengeentethe.
16 Wenze abantu bakho baba banengi njengeenkwekwezi zezulu.
Intethe encani ihlubula isikhumba sayo begodu iyaphapha.
17 Abonogada bakho banjengentethe,
Neenkhulu zakho zinjengesikhonyani.
Zihlala eembayeni ezenziwe ngamatje nakumakhaza,
Kodwana ilanga nalitjhisako ziyaphapha;
Akekho owaziko bona zikuphi.
18 Abelusi bakho bayayenda wena kosi ye-Asiriya;
Iinkhulu zakho zihlala eendaweni zazo.
Abantu bakho baphadlhalele eentabeni,
Begodu akekho obabuthelela ndawonye.+
19 Angekhe utjhatjhululwe ehlekelelenakho.
Inceba lakho angekhe liphole.