IRhubo

26 Ngahlulela Jehova ngombana ngikhambe ngokuthembeka kwami;+

Ngithembele kuJehova ngaphandle kokuzaza.+

 2 Ngihlahluba Jehova, ungilinge;

Tsenga imicabangwami edephileko* nehliziywami.+

 3 Ngombana ithando lakho* lihlala liphambi kwami,

Ngikhamba eqinisweni lakho.+

 4 Angizihlanganisi* nabantu abakhohlisako,+

Ngiyababalekela abafihla lokho abangikho.*

 5 Ngikuhloyile ukuhlala nabantu abambi,+

Ngiyala ukuzihlanganisa* nabakhohlakeleko.+

 6 Ngizokuhlanza izandla zami ngitjengise nokuthi ngimsulwa,

Ngizokumatjha ngizombeleze i-aldara lakho Jehova,

 7 Bona itjhada lokuthokoza lizwakale+

Nokumemezela yoke imisebenzakho emangalisako.

 8 Jehova, ngiyayithanda indlu ohlala kiyo,+

Indawo iphazimulwakho ehlala kiyo.+

 9 Ungangithanyeli nezoni+

Namkha uthathe ukuphila kwami nabantu abanenturhu,*

10 Abanezandla ezihlanganyela ekuziphatheni okulihlazo,

Begodu isandla sabo sokudla sizele isifumbathiso.

12 Inyawo lami lijame endaweni ethabaleleko;+

Ngizokudumisa uJehova ebandleni elikhulu.+