IRhubo
א [Aleph]
Ngizokudumisa uJehova ngehliziywami yoke+
ב [Beth]
Ehlanganweni yesiqhema sabalungileko nebandleni.
ג [Gimel]
2 Imisebenzi kaJehova mikhulu;+
ד [Daleth]
Ihlolwa ngibo boke abayithabelako.+
ה [He]
3 Umsebenzakhe uyaphazimula, muhle khulu,
ו [Waw]
Ukulunga kwakhe kuhlala ngokungapheliko.+
ז [Zayin]
4 Wenza imisebenzakhe emangalisako bona abantu bangayikhohlwa.+
ח [Heth]
UJehova unesirhawu nomusa.+
ט [Teth]
5 Unikela labo abamsabako ukudla.+
י [Yod]
Ukhumbula isivumelwano sakhe ngokungapheliko.+
כ [Kaph]
6 Utjengise abantu bakhe amandla womsebenzakhe
ל [Lamed]
Ngokubanikela ilifa leentjhaba.+
מ [Mem]
7 Imisebenzi yezandla zakhe iliqiniso, ilungile;+
נ [Nun]
Zoke iinqophiso zakhe zithembekile.+
ס [Samekh]
8 Ihlala ithembekile, nje nangokungapheliko;
ע [Ayin]
Yenziwe ngeqiniso nokulunga.+
פ [Pe]
9 Uhlenge abantu bakhe.+
צ [Tsade]
Wayala bona isivumelwano sakhe sihlale ngokungapheliko.
ק [Qoph]
Igama lakhe licwengile, liyababazeka.+
ר [Resh]
10 Ukuthoma kokuhlakanipha kusaba uJehova.+
ש [Sin]
Boke abaphetha iinqophiso zakhe banelemuko.+
ת [Taw]
Kufuze adunyiswe ngokungapheliko.