IRhubo
IMikitamu* lakaDavida.
16 Maye! Zimu ngivikela, ngombana ngiphephele kuwe.+
2 Ngithe kuJehova: “UnguJehova, uMthombami wobuhle.
3 Abacwengileko ephasini,
Abakhulu, bangenza ngithabe khulu.”+
4 Labo abadlhemadlhema ngemva kwabanye abozimu bazandisela isizi.+
Angeze ngithulule iminikelwabo yesiselo yeengazi,
Begodu iindebe zami angeze ziwaphathe amagamabo.+
5 UJehova usisabelo sami+ nekaphwami.+
Wena uvikela ilifa lami.
6 Ngilinganiselwe iindawo ezithabisako.
Kwamambala, nganelisekile ngelifa lami.+
7 Ngizomdumisa uJehova, ongilulekileko.+
Ngitjho nebusuku, imicabangwami edephileko* iyangilungisa.+
8 Ngibeka uJehova phambi kwami qobe.+
Ngebanga lokuthi usesandleni sami sokudla, angeze ngisikinywe.*+
9 Nje-ke ihliziywami iyathaba, umzimbami woke uyajekezela.
Begodu ngihlala ngokuphepha.
10 Ngombana angekhe ungitjhiye eThuneni.*+
Angekhe uvumele othembekilekwakho abone umgodi.*+
11 Ungenza ngazi indlela yokuphila.+
Ngithabe khulu phambi kobuso bakho;+
Kunethabo esandleni sakho sokudla bekube nini nanini.