Jotjhuwa
17 Ngemva kwalokho, ifumbe+ yadla ikoro kaManase,+ obekalizibulo lakaJosefa.+ Njengombana uMakiri,+ izibulo lakaManase begodu onguyise kaGiliyadi bekayingorho, wafumana iGiliyadi neBhatjhani.+ 2 Godu ifumbe yadla ezinye iinzukulwana zakaManase ngokwemindenazo, amadodana ka-Abiyezeri,+ amadodana kaRhelekhi, amadodana ka-Asriyeli, amadodana kaTjhekemu, amadodana kaRheferi namadodana kaTjhemida. Lezi bekuziinzukulwana zakaManase indodana kaJosefa, abaduna ngokwemindenabo.+ 3 Nanyana kunjalo, uTselofirhadi+ indodana kaRheferi, indodana kaGiliyadi, indodana kaMakiri, indodana kaManase, bekanganamadodana, bekanamadodakazi kwaphela begodu naka amagama wamadodakazakhe: nguMarhila, uNowa, uRhogila, uMilika noTiritsa. 4 Yeke aya ku-Elazara+ umphristi, uJotjhuwa indodana kaNuni neenduneni, athi: “UJehova wayala uMosi bona asinikele ilifa hlangana nabafowethu.”+ Ngalokho ngomyalo kaJehova, wabanikela ilifa hlangana nabafowabo bakayise.+
5 Godu bekunezabelo zenarha ezilitjhumi ezawela kuManase ngaphandle kweenarha ezingakwelinye ihlangothi leJordani,*+ okuyiGiliyadi neBhatjhani, 6 ngalokho amadodakazi kaManase afumana ilifa hlangana namadodanakhe begodu inarha yeGiliyadi yaba ngeyezinye iinzukulwana zakaManase.
7 Umkhawulo kaManase bewusuka kwa-Atjheri utjhinge eMikimetathi+ eqalene neTjhekemu+ begodu bewuraga uye ngesewula* enarheni yezakhamuzi ze-Eni-Tapuwarhi. 8 Inarha yeTapuwarhi+ yaba ngekaManase kodwana iTapuwarhi esemkhawulweni kaManase bekungeyeenzukulwana zaka-Efrayimu. 9 Umkhawulo lo wehlela ngeemRhobeni weKhana, esewula yomrhoba. Bekunamadorobho ka-Efrayimu hlangana namadorobho kaManase,+ umkhawulo kaManase bewungetlhagwini yomrhoba begodu bewuphelela elwandle.+ 10 Inarha engesewula bekungeyaka-Efrayimu, engetlhagwini bekungeyakaManase, umkhawulwakhe bekulilwandle,+ ngetlhagwini inarha kaManase beyifika kwa-Atjheri begodu ngepumalanga beyifika kwa-Isakari.
11 Enarheni ka-Isakari neka-Atjheri, uManase wanikelwa iBhethe-Tjhani namadorobho ayibhodileko, iJibiliyamu+ namadorobho ayibhodileko, izakhamuzi zeDori+ namadorobho ayibhodileko, izakhamuzi ze-Eni-Dori+ namadorobho ayibhodileko, izakhamuzi zeTanaki+ namadorobho ayibhodileko, izakhamuzi zeMegido namadorobho ayibhodileko. Amadorobho amathathu aseentatjaneni bekungewakhe.
12 Nanyana kunjalo, iinzukulwana zakaManase azange zikghone ukuthatha amadorobho la; amaKanana aphikelela nokuhlala enarheni leyo.+ 13 Kwathi ama-Israyeli nawaba namandla, akatelela amaKanana+ bona awasebenzele kodwana azange awaqothe ngokupheleleko.+
14 Iinzukulwana zakaJosefa zathi kuJotjhuwa: “Kubayini usinikele ilifa elisisabelo sinye senarha ngefumbe yinye?+ Sisitjhaba esikhulu ngombana uJehova usibusisile bekube nje.”+ 15 UJotjhuwa waziphendula wathi: “Nange nisitjhaba esikhulu kangaka, khuphukelani ehlathini, nizirhulele indawo lapho enarheni yamaPerizi+ namaRafa+ njengombana isifunda seentaba sakwa-Efrayimu+ sisincani khulu kini.” 16 Iinzukulwana zakaJosefa zathi: “Isifunda seentaba asikasaneli begodu woke amaKanana ahlala enarheni yomrhoba aneenkarana zepi+ ezinemikhwa emide emavilinazo,* kokubili lawo aseBhethe-Tjhani+ namadorobho ayibhodileko nalawo asemRhobeni weJizriyela.”+ 17 Yeke uJotjhuwa wathi endlini kaJosefa, okungu-Efrayimu noManase: “Nisitjhaba esikhulu begodu ninamandla khulu. Angekhe nifumane ifumbe yinye kwaphela+ 18 kodwana isifunda seentaba sizokuba ngesenu.+ Ngitjho nanyana silihlathi, nizosirhula begodu sizokuba maphethelo wenarhenu. Ngombana nizokuqotha amaKanana ngitjho nanyana anamandla begodu aneenkarana zepi ezinemikhwa emide emavilinazo.”*+