IRhubo
Umthandazo kaDavida.
17 Maye! Jehova, ngizwa nangibawa ubulungiswa;
Lalelisisa ukulilela kwami isizo;
Lalela umthandazwami onganakohliso.+
2 Kwangathi ungangenzela isiqunto esilungileko;+
Kwangathi amehlwakho angabona okulungileko.
3 Uyihlahlubile ihliziywami, wangihlolisisa ebusuku;+
Ungitsengile;+
Uzokufumana ukuthi angikaluki amano wokwenza okumbi,
Nomlomami awukatjhaphi.
4 Nanyana abantu bangenzani,
Mina ngigegeda iindlela zesela, ngokuvumelana nelizwi leendebe zakho.+
5 Vumela iinyawo zami zihlale endlelenakho
Ukwenzela bona ngingawi.+
6 Maye! Zimu, ngibiza wena ngombana uzongiphendula.+
Ngilalelisisa,* uzwe amezwami.+
7 Ithando lakho* alibonakale ngendlela emangalisako,+
Maye! Msindisi wabaphephela esandleni sakho sokudla
Ababaleka labo abahlubuka kuwe.
9 Ngivikela kokhohlakeleko ongisahlelako,
Emanabenami angibhodileko.+
10 Iinhliziyo zawo azisazweli;
Ayazikhukhumeza nawakhulumako;
11 Nje ayasiragelela;+
Afuna ithuba lokusidula phasi.
12 Inabeli lifana nebhubezi elizimisele ukurathula isilwana sibe ziinquqwana,
Lifana nebhubezi elincani elikhukhuthako endaweni efihlekileko.
13 Ngilwela Jehova, ilwa nalo,+ ulihlule;
Ngisindisa ngesabulakho kokhohlakeleko;
14 Ngisindisa ngesandla sakho Jehova,
Ebantwini bephaseli, isabelo sabo esisepilweni le,+
Labo obapha izinto ezihle+
Nabatjhiyela amadodanabo amanengi ilifa.
15 Kodwana nakungimi, ngizokubona ubuso bakho ngokulunga;
Nganelisekile ngokuvuka phambi kwakho.+