IRhubo
INCWADI YESINE
(AmaRhubo 90-106)
Umthandazo kaMosi, umuntu kaZimu weqiniso.+
90 Maye! Jehova bewusolo uyindawethu yokuhlala*+ kizo zoke iinzukulwana.
2 Ngaphambi kobana iintaba zibelethwe
Namkha ngaphambi kobana wenze iphasi nenarha enothileko,+
Kusukela nini nanini bekube nini nanini, unguZimu.+
3 Wenza umuntu ofako abuyele ethulini;
Uthi: “Buyelani nina madodana wabantu.”+
4 Ngombana emehlwenakho iminyaka eyikulungwana ifana nelanga layizolo elidlulileko,+
Injengomlindo webusuku.
6 Ekuseni buyahluma buvuseleleke,
Kodwana entambama buyatjhwaba bese bome.+
7 Ngombana sirhiribidelwa lilaka lakho+
Sithuswa nabukhali bakho.
9 Amalangethu aphela kancanikancani ngebanga lelaka lakho;
Neminyakethu iphela msinya njengokudosa umoya.
10 Ubude bokuphila kwethu buminyaka ema-70,
Namkha ema-80+ nange umuntu anamandla akhethekileko.
Kodwana kuzele imiraro nesizi;
Idlula msinya begodu siyaphapha sikhambe.+
11 Ngubani ongazwisisa amandla welaka lakho?
Ubukhali bakho bukhulu njengokusaba okufuze sikusabe ngakho.+
12 Sifundisa bona siwabale njani amalangethu+
Bona sibe nehliziyo ehlakaniphileko.
13 Maye! Jehova buya.+ Kuzokuthatha isikhathi esingangani lokhu?+
Rhawukela iinceku zakho.+
15 Senze sithabe amalanga alingana nalawo owasihlunguphaza ngawo,+
Alingana neminyaka esaqalana ngayo nehlekelele.+
16 Kwanga iinceku zakho zingabona umsebenzakho,
Namadodanazo abone iphazimulwakho.+
17 Kwanga umusa kaJehova uZimethu ungaba kithi;
Kwanga wena ungaphumelelisa* umsebenzi wezandla zethu.