IRhubo
Kumnqophisi; lizokuvunywa ngendlela yengoma ethi, “Amathuthumbo.” Irhubo lamadodana kaKhorarhi. Imaskili.* Ingoma yethando.
Kwanga ilimu lami lingaba njengesiba+ lomtloli* onekghono.+
2 Umuhle khulu ukudlula woke amadodana wabantu.
Eendebeni zakho kugeleza amezwi amnandi.+
Kungebangelo uZimu akubusise ngokungapheliko.+
4 Ragela phambili uyokuhlula ngephazimulwakho;+
Khwela injomani ngebanga leqiniso, ukuthobeka nokulunga,+
Isandla sakho sokudla sizokwenza* izinto ezibabazekako.
7 Ukuthandile ukulunga,+ wahloya ukukhohlakala.+
Kungebangelo uZimakho, akuzese ngamafutha+ wokuthaba+ ukudlula abangani bakho.
8 Zoke izambatho zakho zinukiswe kamnandi ngemire, isikghopha nesinamoni;
Uthatjiswa ziinliliso zesinara usesigodlweni sakho esikhulu sezinyo lendlovu.
9 Amadodakazi wamakhosi ahlangana nabafazi obahloniphako.
Indlovukazi ijame ngesidleni sakho, imbethe imikghabiso yegolide le-Ofira.+
10 Lalela ndodakazi, tjheja, ubeke nendlebe;
Khohlwa ngabantu bekhenu nendlu kayihlo.
12 Indodakazi yeTirosi izokuza iphethe isipho;
Abantu abanjinge khulu bazokufuna umusakho.
13 Indodakazi yekosi engaphakathi esigodlweni yihle iyababazeka;
Izambatho zayo zikghatjiswe ngegolide.
14 Izokulethwa ekosini imbethe izambatho zakanokutjho.*
Abangani bayo abamsulwa abayilandelako bangeniswa phambi kwakho.
15 Bazokulethwa ngokujekezela nethabo;
Bazokungena ngesigodlweni sekosi.
16 Amadodanakho azokuthatha indawo yabokhokho bawo.
Uzowabeka bona abe makhosana ephasini loke.+
17 Ngizokwenza igama lakho laziwe kizo zoke iinzukulwana ezizako.+
Kungebangelo abantu bazokudumisa ngokungapheliko.