IRhubo

Kumnqophisi; likhambisana neenliliso zesinara.

Irhubo lakaDavida.

61 Maye! Zimu, ngizwe nangililela isizo.

Lalelisisa umthandazwami.+

2 Ngizokulilela ngisemaphethelweni wephasi

Lokha ihliziywami nayiphelelwa lithemba.+

Ngirholela edwaleni eliphakemeko kunami.+

3 Ngombana usiphephelo sami,

Umbhotjhongo oqinileko ongivikela enabeni.+

4 Ngizokuba sivakatjhi ngetendenakho isiphelani;+

Ngizokuphephela ngaphasi kwamaphikwakho.+ (Sela)

5 Ngombana wena Zimu, uzizwile iimfungo zami.

Unginikele ilifa lalabo abahlonipha igama lakho.+

6 Uzokungezelela amalanga wokuphila kwekosi,+

Begodu iminyakayo izokusuka kwesinye isizukulwana iye kwesinye.

7 Izokuhlala esihlalweni sobukhosi phambi kwakaZimu ngokungapheliko;+

Nikela ikosi leyo ithando* nokuthembeka, ukwenzela bona ziyivikele.+

8 Nje-ke ngizokubhinela igama lakho iindumiso ngokungapheliko+

Njengombana ngenza engikufungileko qobe langa.+