USamyela Wokuthoma
26 Ngokukhamba kwesikhathi, abantu beZifu+ beza kuSawula eGibeya+ bathi: “UDavida ubhace embundwini kaRhakila oqale iJetjhimoni.”*+ 2 Yeke uSawula wasikima wehlela emmangweni weZifu, akhamba nabantu abazii-3 000 abakhethiweko bakwa-Israyeli, bayokufuna uDavida emmangweni weZifu.+ 3 USawula wahloma ikampakhe eqadi kwendlela embundwini kaRhakila, oqale iJetjhimoni. Ngesikhatheso uDavida bekahlala emmangweni begodu wezwa ukuthi uSawula usemmangweni ufunana naye. 4 Nje-ke uDavida wathumela iinhloli bona ziyokuqinisekisa ukuthi mbala uSawula uzile. 5 Ngemva kwesikhathi, uDavida waya endaweni uSawula akampe kiyo bese wabona indawo uSawula no-Abineri+ indodana kaNeri, induna yebutho lakaSawula, ebebalele kiyo; uSawula bekalele ekabeni yekampa namabuthwakhe ambhodile. 6 Nje-ke uDavida wathi ku-Arhimeleki umRhiti+ no-Abitjhayi+ indodana kaTseruya+ umfowabo kaJowabi: “Ngubani ozokwehlela nami kuSawula ekampenakhe?” U-Abitjhayi waphendula wathi: “Ngizokukhamba nawe.” 7 Yeke uDavida no-Abitjhayi batjhinga emajonini ebusuku begodu bafumana uSawula alele ekabeni yekampa nomkhontwakhe uhlonywe phasi, hlanu kwehlokwakhe; u-Abineri namajoni bebalele bambhodile.
8 U-Abitjhayi wathi kuDavida: “Namhlanjesi uZimu unikele inaba lakho esandleni sakho.+ Yeke ngibawa ungivumele ngimhlanganise nehlabathi ngomkhonto kube kanye, angeze kutlhogeke ukuthi ngimhlabe kabili.” 9 Nokho uDavida wathi ku-Abitjhayi: “Ungamlimazi ngombana ngubani ongaphakamisela ozesiweko kaJehova+ isandla angabi mlandu?”+ 10 UDavida waraga wathi: “Ngifunga ngoJehova uZimu ophilako ukuthi uJehova ngokwakhe uzombulala,+ namkha ilanga lakhe lizokufika+ ahlongakale namkha uzokwehlela epini bese atjhabalale.+ 11 Akucabangeki ngami ngombono kaJehova bona ngingaphakamisela ozesiweko kaJehova isandla!+ Nje-ke ngibawa uthathe umkhonto oseduze nehlokwakhe nomjeka wamanzi sikhambe.” 12 Yeke uDavida wathatha umkhonto nomjeka wamanzi eduze kwehloko kaSawula bakhamba. Akekho owababonako+ namkha owabatjhejako namkha owavukako ngombana boke bebalele ngebanga lokuthi bebehlelwe buthongo obukhulu obuvela kuJehova. 13 Ngemva kwalokho, uDavida wayamela ngakwelinye ihlangothi bese wajama phezu kwentaba ekudanyana, bekunesikhala esikhulu phakathi kwabo.
14 UDavida warhuwelela amajoni no-Abineri+ indodana kaNeri wathi: “Abineri, uyangizwa na?” U-Abineri wathi: “Ungubani wena orhuwelela ikosi?” 15 UDavida wathi ku-Abineri: “Kghani awusiyingorho na? Ngubani ofana nawe kwa-Israyeli? Alo kubayini ungakhange ugade ikosakho? Ngombana elinye lamasotja lizile bona lizokubulala ikosakho.+ 16 Into oyenzileko yimbi. Ngifunga ngoJehova uZimu ophilako, nifanelwe kukufa ngombana akhenge nigade ikosenu, ozesiweko kaJehova.+ Akhe niqalisise! Uphi umkhonto wekosi nomjeka wamanzi+ obewuseduze nehlokwayo?”
17 USawula walemuka bona liphimbo lakaDavida begodu wathi: “Kghani liphimbo lakho leli, Davida ndodanami?”+ UDavida waphendula wathi: “Liphimbo lami, kosami.” 18 Wangezelela wathi: “Kubayini ikosami igijimisana nesisebenzi sayo,+ ngenzeni begodu siyini isono sami?+ 19 Kosami, ngibawa ulalele amezwi wesisebenzi sakho: “Nangabe nguJehova okwenza ulwe nami, ngibawa amukele umnikelwami weenthoro. Kodwana nangabe babantu,+ baqalekisiwe phambi kwakaJehova ngombana bangiqothile bona ngingabi munye nelifa+ lakaJehova, bathi, ‘Khamba uyokulotjha abanye abozimu!’ 20 Nje-ke ngibawa ungavumeli iingazi zami bona zithontele phasi kude nobuso bakaJehova ngombana ikosi yakwa-Israyeli iphumile yayokufuna itsetse linye,+ kwangathi igijimisa ikwali eentabeni.”
21 Yeke uSawula wathi: “Ngonile.+ Buya ndodanami Davida, angeze ngisakulimaza ngombana uqale ukuphila kwami njengokuligugu+ namhlanjesi. Iye, budlhadlha into engiyenzileko begodu ngenze umtjhapho omkhulu.” 22 UDavida waphendula wathi: “Nakhu umkhonto wekosi. Akuze elinye lamasokana lizowuthatha. 23 NguJehova ozokubuyisela omunye nomunye ngokulunga kwakhe+ nangokuthembeka kwakhe ngombana namhlanjesi uJehova ukunikele esandleni sami kodwana akhenge ngifune ukuphakamisela ozesiweko kaJehova isandla.+ 24 Qala! Njengombana ukuphila kwakho kube ligugu kimi namhlanjesi, kwanga ukuphila kwami kungaba ligugu emehlweni kaJehova begodu kwanga angangisindisa kiwo woke amatshwenyeko.”+ 25 USawula waphendula uDavida wathi: “Kwanga ungabusiswa ndodanami Davida. Akunakuzaza ukuthi uzokwenza izinto ezikulu begodu uzokuphumelela nakanjani.”+ Ngemva kwalokho, uDavida wakhamba noSawula wabuyela endawenakhe.+