Yokuthoma YeenKronike
5 La madodana kaRubeni,+ izibulo laka-Israyeli. Bekalizibulo kodwana ngebanga lokuthi wasilaphaza umbhede kayise,+ ilungelo lakhe lobuzibulo lanikelwa amadodana kaJosefa+ indodana ka-Israyeli, yeke erhelweni lokulandelana kweenzukulwana azange atlolwe ngokwelungelo lakhe lobuzibulo. 2 Nanyana uJuda+ bekamkhulu hlangana nabafowabo begodu kwavela kuye loyo obekazokuba mdosiphambili,+ ilungelo lobuzibulo bekungelakaJosefa. 3 Amadodana kaRubeni izibulo laka-Israyeli bekunguRhanoki, uPalu, uRhetsironi noKarimi.+ 4 Amadodana kaJuweli bekunguTjhemaya, indodana kaTjhemaya kunguGogi, indodana kaGogi kunguTjhimeyi, 5 indodana kaTjhimeyi kunguMikha, indodana kaMikha kunguReyaya, indodana kaReyaya kunguBhali, 6 indodana kaBhali kunguBhera, loyo ikosi ye-Asiriya uTiligathi-Pilineseri+ amthatha wamusa ekudingisweni; bekayikosana yakwaRubeni. 7 Abafowabo ngokwerhelo lokulandelana kweenzukulwana zemindenabo bekunguJehiyeli ihloko, uZakariya, 8 noBhela indodana ka-Azazi indodana kaTjhema indodana kaJuweli, obekahlala e-Aroweri+ kufikela eNebo neBhali-Mewoni.+ 9 Ngepumalanga wahlala kufikela ekuthomeni kommango oseMlanjeni iYufrathe,+ ngombana ifuywabo beyandile enarheni yeGiliyadi.+ 10 Emihleni kaSawula, balwa namaHagiri bawahlula, yeke bahlala ematendenawo kiso soke isifunda esisepumalanga yeGiliyadi.
11 Nje-ke iinzukulwana zakaGadi zahlala hlanu kwabo enarheni yeBhatjhani bekwayokufika eSaleka.+ 12 EBhatjhani, uJuweli bekayihloko, uTjhafamu angowesibili godu bekunoJanayi noTjhafathi. 13 Abafowabo beenkoro zaboyise bekunguMikhayeli, uMetjhulamu, uTjheba, uJorayi, uJakani, uZiya no-Ebhere, balikhomba sebaboke. 14 La bekumadodana ka-Abihayili indodana kaRhuri indodana kaJarowarhi indodana kaGiliyadi indodana kaMikhayeli indodana kaYetjhitjhayi indodana kaJarhido indodana kaBhuzi. 15 U-Arhi indodana ka-Abidiyeli indodana kaGuni bekayihloko yekorwabo. 16 Bahlala eGiliyadi,+ eBhatjhani+ nemadorobheni ayibhodileko nakiwo woke amadlelo weTjharoni kufika la aphelela khona. 17 Batloliswa erhelweni lokulandelana kweenzukulwana emihleni kaJothamu ikosi+ yakwaJuda nemihleni kaJerobhowamu* ikosi+ yakwa-Israyeli.
18 Abantu bakwaRubeni, bakwaGadi nengcenye yesitjhaba sakwaManase bebaneengorho ezizii-44 760 ebuthweni labo ebeziphatha iinhlangu neensabula, zihlome nangemisebe begodu zibandulelwe ipi. 19 Balwa ipi namaHagiri,+ iJethuri, iNafitjhi+ neNodabi. 20 Basizwa ekulweni nabo, kangangobana amaHagiri nabo boke ebebanawo banikelwa esandleni sabo, ngombana babiza uZimu babawa isizo epini, wabanikela abakubawako ngombana bathembela kuye.+ 21 Bathumba ifuywabo, amakamela azii-50 000, izimvu ezizii-250 000, abodumbana abazii-2 000 nabantu abazii-100 000. 22 Abanengi babulawa, ngombana nguZimu weqiniso obekalwa ipi le.+ Yeke bahlala endawenabo bekwaba sikhathi sokudingiswa.+
23 Iinzukulwana zengcenye yesitjhaba sakwaManase+ bezizinengi. Zahlala enarheni esukela eBhatjhani kufikela eBhali-Rherimoni neSeniri neNtabeni iRherimoni.+ 24 Lezi bekuziinhloko zeenkoro zaboyise: U-Eferi, uYitjhi, u-Eliyeli, u-Azriyeli, uJoromiya, uHodaviya noJarhidiyeli; bekuziingorho, amadoda adumileko neenhloko zeenkoro zaboyise. 25 Kodwana azange bathembeke kuZimu wabokhokho babo begodu bangwadla nabozimu beentjhaba zenarha leyo,+ lezo uZimu azirhayila phambi kwabo. 26 Yeke uZimu ka-Israyeli wavusa ummoya kaPhuli ikosi ye-Asiriya+ (okunguTiligathi-Pilineseri+ ikosi ye-Asiriya) kangangobana wasa ekudingisweni abantu bakwaRubeni, bakwaGadi nengcenye yesitjhaba sakwaManase, wabasa eRhalarhi, eRhabhori, eHara nemlanjeni iGozani,+ okukulapho bakhona bekube kunamhlanjesi.