IRhubo
Kumnqophisi; likhambisana neenliliso zesinara. IMaskili.* Irhubo lakaDavida.
2 Ngilalelisisa, ungiphendule.+
Into engitshwenyako ayingiphi ukuphumula,+
Ngigandelelekile
3 Ngebanga lalokho okutjhiwo linaba lami
Nokugandelelwa ngokhohlakeleko.
Ngombana bangibangela imiraro eminengi,
Begodu bangibambela amavunda basilingekile.+
5 Ngifikelwa kusaba, ngiyahlengezela,
Ngiyaqhaqhazela.
6 Ngisolo ngithi: “Ngathana benginamaphiko njengejuba!
Bengizokuphaphela kude, ngihlale nangokuphepha.
7 Qala! Bengizokubalekela kude.+
Bengizokuhlala emmangweni.+ (Sela)
8 Bengizokurhabela endaweni ephephileko
Kude nommoya onamandla, kude nesiwuruwuru.”
9 Maye! Jehova, bahlangahlanganise, utjharaganise namanwabo,+
Ngombana ngibone inturhu nomguruguru edorobheni.
10 Bakhambakhamba emabodenalo imini nobusuku;
Ngaphakathi kwalo kunokukhohlakala nomraro.+
11 Umonakalo uphakathi kwalo;
Ukugandelela nekohliso akusuki etatawini lalo.+
12 Ngombana akusilinaba elinginyefulako;+
Ngathana bekunjalo bengizalibekezelela.
Akusisisitha esilwa nami;
Ngathana bekunjalo bengizasibhacela.
14 Besibangani abakhulu;
Nasiya endlini kaZimu besikhamba soke kunye neenqubuthu.
15 Kwanga bangatjhabalala!+
Abehlele eThuneni* baphila;
Ngombana ubumbi buhlala hlangana nabo nangaphakathi kwabo.
16 Mina ngizokubiza uZimu,
UJehova uzongisindisa.+
18 Uzongihlenga anginikele ukuthula kilabo abalwa nami,
Ngombana iinqubuthu zilwa nami.+
Bazokwala ukutjhuguluka,
Labo abangakhenge bamsabe uZimu.+
21 Amezwakhe abutjhelelezi ukudlula ibhodoro,+
Kodwana ehliziywenakhe kunomguruguru.
Amezwakhe athambe ukudlula amafutha,
Kodwana anjengeensabula ezibukhali.+
Angekhe avume bona olungileko awe.*+
23 Kodwana wena Zimu, uzobehlisela emgodini ozike khulu.+
Labo abanomlandu weengazi nabakhohlakeleko angeze baphile ngitjho nesiquntu samalangabo.+
Kodwana mina, ngizokuthembela kuwe.