Narhume
1 Isimemezelo ngokujamelene neNiniva:+ Incwadi yombono kaNarhume* umElkhotjhi:
2 UJehova unguZimu ofuna sizinikele kuye kwaphela+ begodu uyazibuyiselela;
UJehova uyazibuyiselela bewukulungele ukukhupha ilaka lakhe.+
UJehova uyazibuyiselela emanabenakhe,
Begodu ubekele amanabakhe ilaka lakhe.
3 UJehova akasilingeki msinyana+ begodu unamandla amakhulu,+
UJehova angekhe avimba isijeziso esifaneleko.+
Indlelakhe isemoyeni nesiwuruwurwini esitjhabalalisako,
Namafu alithuli leenyawo zakhe.+
IBhatjhani neKarameli ziyatjhwaba,+
Namathuthumbo weLibhanoni ayatjhwaba.
5 Iintaba zizokuhlengezela ngebanga lakhe,
Nemibundu izokuncibilika.+
Iphasi lizokuhlengezela ngebanga lobuso bakhe,
Nenarha nabo boke abahlala kiyo.+
6 Ngubani ongajama phambi kwelaka lakhe?+
Begodu ngubani ongajamelana+ nomtjhiso wokusilingeka kwakhe?
Ilaka lakhe lizokuthululwa njengomlilo,
Begodu amatje azokuphahlaka ngebanga lakhe.
7 UJehova muhle,+ usiphephelo ngelanga lokugandeleleka.+
Uyabatlhogomela labo abafuna ukuphephela kuye.+
8 Ngesikhukhula esirhurhulako uzokutjhabalalisa indawakhe* ngokupheleleko,
Begodu ubumnyama buzokugijimisa amanabakhe.
9 Yini ozoyihlela ngokujamelene noJehova?
Ubangela ukutjhabalala okupheleleko.
Ukugandeleleka angekhe kuvele ihlandla lesibili.+
10 Ngombana balukwe njengameva,
Begodu banjengalabo abadakwe butjwala;
Kodwana bazokurhiribidelwa njengomhlanga owomileko.
11 Kuwe kuzokuvela loyo ohlela ubumbi ngokujamelene noJehova,
Onikela iseluleko esingasizi ngalitho.
12 UJehova uthi:
“Ngitjho nanyana bebanamandla begodu babanengi,
Nanyana kunjalo bazokuquntwa begodu bazokuhlongakala.
Ngikuzwise ubuhlungu,* kodwana angekhe ngisakuzwisa ubuhlungu.
13 Nje-ke ngizokuphula ijogi lakhe ngilisuse kuwe,+
Begodu ngizokuquntula amakhamandelakho.
14 UJehova ukhuphe umyalo malungana nawe,*
Igama lakho angekhe lisahlala ngokungapheliko.
Ngizokutjhabalalisa iinthombe ezibaziweko neenthombe zesimbi endlini yabozimu bakho.
Ngizokwenzela ithuna ngombana uyanyenyisa.
15 Qala eentabeni iinyawo zaloyo oletha iindaba ezimnandi,
Loyo omemezela ukuthula.+
Gidinga iminyanyakho+ Juda, phetha iimfungo zakho,
Ngombana ongasizi ngalitho angekhe asadlula kuwe godu.
Uzokutjhatjalaliswa ngokupheleleko.”