USamyela Wesibili
23 La mamezwi wokugcina kaDavida:+
“Ilizwi lakaDavida indodana kaJese,+
Ilizwi lendoda eyaphakanyiselwa phezulu,+
Ozesiweko+ kaZimu kaJakopo,
Umvumi othabisako weengoma+ zakwa-Israyeli.
3 UZimu wakwa-Israyeli wakhuluma;
IDwala lakwa-Israyeli+ lathi kimi:
‘Lokha umuntu obusa abantu alungile,+
Abusa ngokusaba uZimu,+
4 Kufana nomkhanyo wekuseni ilanga naliphazimako,+
Nokusa okunganamafu.
Kufana nokukhanya ngemva kokuna kwezulu,
Okwenza utjani buhlume ephasini.’+
5 Kghani indlwami ayisinjalo na phambi kwakaZimu?
Ngombana wenze isivumelwano esingapheliko nami,+
Esihlelwe kuhle besaqinisekiswa.
Ngombana sitjho ukusindiswa kwami okupheleleko nalo loke ithabo lami,
Akusingebangelo na ayenza ikhule?+
6 Kodwana boke abantu abangazisiko balahlwa+ njengemithi yameva,
Ngombana angeze bathathwa ngesandla.
7 Umuntu nakabathintako,
Kufuze ahlome aphelele ngesimbi nomphini womkhonto,
Kufuze batjhiswe ngomlilo baphele endawenabo.”
8 La magama weengorho zakaDavida:+ UJotjheba-Bhasitjhebethi umTarhikemoni, ihloko yabathathu.+ Wabulala abangaphezu kwama-800 ngomkhontwakhe ngesikhathi sinye. 9 Bekalandelwa ngu-Elazara+ indodana kaDodo+ indodana ka-Arhorhi obekangomunye weengorho ezintathu ebezinoDavida nabanyefula amaFilista. Bewahlangene lapho bona ayokulwa begodu kwathi ama-Israyeli nakahlehlako, 10 yena wajama endawenakhe waraga nokurhayila amaFilista bekwaba kulapho umkhonwakhe udinwa nesandla sakhe somelela ngebanga lokubamba isabula.+ Yeke uJehova waletha ipumelelo ekulu mhlokho;+ abantu beza ngemva kwakhe bona bayokuhlubulisa ababuleweko.
11 Bekalandelwa nguTjhama indodana ka-Agiye umHarari. AmaFilista bewahlangene eLerhi, lapha bekunesimu ezele iinhlumaya khona; abantu babaleka ngebanga lamaFilista. 12 Kodwana yena wajama phakathi kwesimu wayivikela, wasolo arhayila amaFilista, ngalokho uJehova waletha ipumelelo* ekulu.+
13 Abarholi abathathu kwabama-30 behlela kuDavida erholweni le-Adulamu+ ngesikhathi sokuvuna begodu isiqhema samaFilista besihlome ikampa emRhobeni wamaRafa.+ 14 Ngesikhatheso uDavida bekasendaweni evikelekileko+ begodu amaFilista bewahlome ikampa eBhetlehema. 15 Ngemva kwalokho, uDavida wathi: “Ngingathaba kangangani nangingasela amanzi womthombo ohlanu kwesango leBhetlehema!” 16 Ngalokho iingorho ezintathu zangena ngekani ngekampeni yamaFilista zakha amanzi emthonjeni ongesangweni leBhetlehema zawanikela uDavida kodwana akhenge avume ukuwasela, wawakghuthula phambi kwakaJehova.+ 17 Wathi: “Maye! Jehova, akucabangeki bona ngingenza into le, kghani kufuze ngisele iingazi+ zabantu abafake ukuphila kwabo engozini?” Yeke wala ukuwasela. Lezi zizinto ezenziwe ziingorho zakhe ezintathu.
18 U-Abitjhayi+ umfowabo kaJowabi indodana kaTseruya+ bekayihloko yabanye abathathu; wabulala abangaphezu kwama-300 ngomkhontwakhe begodu bekadume njengalaba abathathu.+ 19 Ngitjho nanyana bekahlonipheke khulu kilaba abanye abathathu begodu ayindunabo, akhenge afike esikhundleni sabathathu bokuthoma.
20 UBhenaya+ indodana kaJehoyada bekayingorho enesibindi eyenza izinto ezinengi eKhabitsiyeli.+ Warhayila amadodana amabili ka-Ariyeli wakwaMowabi begodu wehlela emthonjeni, mhlazana kukhithika igabhogo wabulala ibhubezi.+ 21 Wabulala nendoda yeGibhide ebeyiyikulu ngendlela erarako. Ngitjho nanyana umGibhide loyo bekaphethe umkhonto ngesandla, walwa naye aphethe intonga begodu wahluthula umkhonto esandleni somGibhide bewambulala ngomkhontwakhe loyo. 22 Lezi zizinto ezenziwa nguBhenaya indodana kaJehoyada begodu bekadume njengeengorho ezintathu. 23 Ngitjho nanyana bekahlonipheke ukudlula abamatjhumi amathathu, akhenge afike esikhundleni sabathathu. Nanyana kunjalo, uDavida wambeka bona aphathe abonogada bakhe.
24 U-Asaheli+ umfowabo kaJowabi bekangomunye wabamatjhumi amathathu: U-Elirhanana indodana kaDodo weBhetlehema,+ 25 uTjhama umRharodi, u-Elikha umRharodi, 26 uRheletsi+ umPalethi, u-Ira+ indodana ka-Ikhetjhi umTekhowa, 27 u-Abiyezeri+ umAnatothi,+ uMebunayi umRhutjha, 28 uTsalimoni umArhorhi, uMaharayi+ umNethofa, 29 uRhelebi indodana kaBhana umNethofa, u-Itayi indodana kaRibayi weGibeya yamaBhenjamini, 30 uBhenaya+ umPiratoni, uHidayi wemirhobeni* yeGatjhi,+ 31 u-Abi-Alboni umAraba, u-Azimavethi umBharirhumi, 32 u-Eliyarhiba umTjhaliboni, amadodana kaJatjheni, uJonathani, 33 uTjhama umHarari, u-Arhiyamu indodana kaTjharari umHarari, 34 u-Elifelethi indodana ka-Arhasibayi indodana yomMakathi, u-Eliyamu indodana ka-Arhitofeli+ umGilo, 35 uRhetsiro umKarameli, uPaharayi umArabhu, 36 uYigali indodana kaNathani weTsoba, uBhani umGadi, 37 uTselekhi umAmoni, uNarharayi umBherothi, umphathinkhali kaJowabi indodana kaTseruya, 38 u-Ira umJiteri, uGarebi umJiteri+ 39 no-Uriya+ umRhiti, bebama-37 nababoke.