Yesibili YeenKronike
16 Ngomnyaka wama-36 wokubusa kwaka-Asa, uBhatjha ikosi+ yakwa-Israyeli weza azokulwa noJuda bese wathoma ukwakha* iRama+ bonyana akhandele nanyana ngubani ukuthi aphume namkha angene enarheni ka-Asa ikosi yakwaJuda.+ 2 Khonokho u-Asa wakhupha isiliva negolide ngemabulungelweni wamagugu wendlu kaJehova+ newendlu yekosi,* walithumela kuBhen-Hadadi ikosi yeSiriya,+ obekahlala eDamaseku, wathi: 3 “Kunesivumelwano phakathi kwami nawe naphakathi kwakababa noyihlo. Ngikuthumela isiliva negolide. Ngibawa uphule isivumelwano sakho noBhatjha ikosi yakwa-Israyeli, bonyana asuke kimi.”
4 UBhen-Hadadi wayilalela iKosi u-Asa, wathumela iinduna zamabuthwakhe bona ziyokusahlela namadorobho wakwa-Israyeli, zahlula i-Iyoni,+ iDani,+ i-Abela-Mayimu nawo woke amadorobho wakwaNafitali ekubekwa kiwo izinto.+ 5 Kuthe uBhatjha nakezwa ngalokhu, msinyana walisa ukwakha* iRama. 6 Nje-ke iKosi u-Asa yathatha boke abantu bakwaJuda begodu bathwala amatje neengodo zeRama+ uBhatjha ebekakha* ngazo,+ wakha ngazo iGeba+ neMitsipha.+
7 Ngesikhatheso uRhanani+ umboni wemibono wafika ku-Asa ikosi yakwaJuda, wathi kuye: “Ngombana uthembele ekosini yeSiriya begodu akhenge uthembele kuJehova uZimakho, ibutho lekosi yeSiriya liphunyurhile esandleni sakho.+ 8 AmaTopiya namaLibhiya bewangasilibutho elikhulu na elineenkarana ezinengi nabakhweli beenjomani? Kodwana ngebanga lokuthi wathembela kuJehova, wawanikela esandleni sakho.+ 9 Amehlo kaJehova aqale ephasini loke+ bona asekele labo abazinikele ngeenhliziyo ezipheleleko kuye.+ Wenze ubudlhadlha kilokhu; kusukela nje kuye phambili kuzokuba nezipi ngokujamelene nawe.”+
10 Kodwana u-Asa wakwatela umboni wemibono, wamfaka ngejele ngebanga lalokho akutjhwileko. Ngesikhatheso u-Asa wathoma ukuphatha abanye kumbi. 11 Nje-ke umlando ka-Asa kusukela ekuthomeni kufikela ekupheleni, utlolwe eNcwadini yamaKhosi wakwaJuda newakwa-Israyeli.+
12 Ngomnyaka wama-39 wokubusa kwakhe, u-Asa wathonywa kugula kweenyawo bekwaba kulapho agula khulu; ngitjho nekuguleni kwakhe akhenge abuyele kuJehova kodwana waya kibodorhodere. 13 Wahlongakala ngomnyaka wama-41 wokubusa kwakhe, ngemva kwalokho walaliswa nabokhokho bakhe.+ 14 Nje-ke bambulunga endaweni ekhethekileko azilungiselela yona eDorobheni lakaDavida+ bamlalisa emkghadini ozeswe ngamafutha webhalisamu nangemihlobohlobo yeenthako ezivangwe namafutha anuka kamnandi.+ Ngemva kwalokho, babasa umlilo omkhulu bona bamhloniphe.*