Yesibili YeenKronike

17 Nje-ke indodanakhe uJehotjhafathi+ yaba yikosi esikhundleni sakhe beyaqinisa ubukhosi bayo kwa-Israyeli. 2 Yabeka amajoni kiwo woke amadorobho avikelekileko wakwaJuda, yahloma neenkampa zamajoni kwaJuda nakiwo woke amadorobho wakwa-Efrayimu athunjwa nguyise u-Asa.+ 3 UJehotjhafathi wakhamba emtlhaleni kaDavida ukhokhwakhe+ begodu akhenge alotjhe aboBhali, ngebangelo-ke uJehova wahlala anaye. 4 Walotjha uZimu kayise,+ walandela umyalwakhe begodu akhenge alandele imikghwa yama-Israyeli.+ 5 Nje-ke uJehova wawunzinzisa umbuswakhe+ bese uJuda woke waragela phambili nokuletha izipho kuJehotjhafathi. Wanjinga khulu, waduma.+ 6 Waba nesibindi sokukhamba eendleleni zakaJehova bewasusa iindawo eziphakemeko+ neengodo ezicwengileko*+ kwaJuda.

7 Emnyakeni wesithathu wokubusa kwakhe wathumela amakhosanakhe, uBhen-Rhayili, u-Obadiya, uZakariya, uNetaneli noMikaya bona bayokufundisa emadorobheni wakwaJuda. 8 Bewakhambisana namaLevi: kunguTjhemaya, uNetaniya, uZebadiya, u-Asaheli, uTjhemiramothi, uJehonathana, u-Adoniya, uThobiya noTob-Adoniya nabaphristi u-Elitjhama noJehoramu.+ 9 Bafundisa kwaJuda, baphethe incwadi yomThetho kaJehova+ begodu bakhamba woke amadorobho wakwaJuda bafundisa abantu.

10 UJehova wenza bona yoke imibuso eseduze nakwaJuda yesabe, ngebangelo-ke akhenge ilwe noJehotjhafathi. 11 AmaFilista aletha izipho nemali bona zibe mthelo* kuJehotjhafathi. Kwathi ama-Arabhu akhupha emihlambinawo amaramu azii-7 700 neempongo ezizii-7 700 aziletha kuye.

12 UJehotjhafathi waragela phambili aba namandla,+ waraga nokwakha iindawo ezivikelekileko+ namadorobho wokubeka izinto+ kwaJuda. 13 Wenza imisebenzi ebabazekako emadorobheni wakwaJuda begodu bekanamajoni aziingorho eJerusalema. 14 Yeke bewahlukaniswe ngokweenkoro zawo: KwaJuda bekuziinduna zeenkulungwana, u-Adina induna bekaneengorho ezizii-300 000.+ 15 UJehorhanani induna bekaphethe abazii-280 000. 16 Obekangaphasi kwakhe ngu-Amasiya indodana kaZikiri owazikhethela ukwenza umsebenzi kaJehova, yena bekaneengorho ezizii-200 000. 17 KwaBhenjamini+ bekungu-Eliyada ingorho, yena bekanamadoda azii-200 000 ahlome ngemisubela neemviko.+ 18 Ngaphasi kwakhe bekunguJehozabadi, yena-ke bekanamadoda ahlomileko azii-180 000. 19 Laba ngibo-ke abasebenzela ikosi ukungezelela kilabo ikosi eyabakhetha bona babe semadorobheni avikelekileko kiyo yoke inarha yakwaJuda.+