IsAmbulo Esiya KuJwanisi
12 Ngemva kwalokho kwabonakala isibonakaliso esikhulu ezulwini: Umfazi+ ombethe ilanga begodu inyanga beyingaphasi kweenyawo zakhe, ehlokwakhe bekunesihlohlo seenkwekwezi ezili-12 2 begodu bekasidisi. Bekalila ngebanga lemirhelo, asebuhlungwini njengombana azokubeletha.
3 Kwabonakala esinye isibonakaliso ezulwini. Qala! Idragoni ekulu enombala onjengomlilo,+ eneenhloko ezilikhomba neempondo ezilitjhumi begodu eenhloko zayo bekuneenhlohlo ezilikhomba; 4 umsilayo bewudosa ingcenye yesithathu yeenkwekwezi+ zezulwini, yaziphosela phasi ephasini.+ Idragoni beyisolo ijame phambi komfazi+ obesekazokubeletha, bona nakabelethako, irhiribidele umntwanakhe.
5 Wabeletha indodana,+ ebeyizokwelusa iintjhaba zoke ngentonga yesimbi.+ Umntwanakhe wathathwa wasiwa kuZimu nesihlalweni sakhe sobukhosi. 6 Umfazi wabalekela emmangweni, lapho anendawo ayilungiselelwe nguZimu begodu lapho bazomondla khona amalanga ayi-1 260.+
7 Kwaba nepi ezulwini: UMikhayeli*+ neengilozi zakhe balwa nedragoni begodu idragoni neengilozi zayo balwa 8 kodwana akhenge baphumelele* nendawabo akhenge isafumaneka ezulwini. 9 Nje-ke yaphoselwa phasi idragoni ekulu,+ inyoka yokuthoma,+ leyo ebizwa ngokuthi nguDeveli+ noSathana,+ edurhisa iphasi loke;+ yaphoselwa phasi ephasini+ neengilozi zayo zaphoselwa phasi nayo. 10 Ngezwa ilizwi elikhulu ezulwini lithi:
“Nje-ke ifikile isindiso+ namandla nomBuso kaZimethu+ nelawulo lakaKrestwakhe ngombana ummangaleli wabafowethu uphoselwe phasi, loyo obamangalela imini nobusuku phambi kwakaZimethu!+ 11 Bamhlule+ ngebanga leengazi zeMvana+ nangebanga lelizwi lokufakaza kwabo+ nokuthi azange bathande imiphefumulwabo*+ ngitjho nanyana baqalene nokufa. 12 Ngebanga lalokhu, thabani nina enihlala ezulwini! Maye! Ngephasi nangelwandle+ ngombana uDeveli wehlele kini, anelaka elikhulu, azi ukuthi unesikhathi esifitjhani.”+
13 Nje-ke idragoni nayibona ukuthi iphoselwe phasi ephasini,+ yahlunguphaza umfazi+ loya obelethe umntwana womsana. 14 Kodwana umfazi wanikelwa amaphiko amabili wekhozi elikhulu+ bona aphaphe atjhinge emmangweni endawenakhe, lapho azokondliwa khona isikhathi neenkhathi nesiquntu sesikhathi*+ angekho phambi kwenyoka.+
15 Inyoka yakhafula amanzi anjengomlambo alandela umfazi bona umfazi acwile emlanjeni. 16 Kodwana iphasi lamsiza umfazi, lavula umlomalo laginya umlambo okhafulwe yidragoni. 17 Ngalokho idragoni yasilingeka ngebanga lomfazi, yakhamba yayokulwa nabantwabakhe+ abaseleko, abalalela imiyalo kaZimu nabanomsebenzi wokufakaza ngoJesu.+