KuFilimoni
1 Mina Powula isibotjhwa+ ngebanga lakaKrestu Jesu noThimothi+ umfowethu, ngitlolela uFilimoni isisebenzi esikunye nathi esithandekako, 2 udadwethu u-Aphiya, u-Akhiphasi+ isotja esikunye nalo nebandleni elisemzinakho:+
3 Kwangathi ungaba nomusa omkhulu nokuthula okuvela kuZimu uBabethu neKosini uJesu Krestu.
4 Ngihlala ngithokoza uZimami nangikhuluma ngawe emithandazwenami+ 5 njengombana ngisolo ngizwa ngokukholwa kwakho nethando onalo ngeKosi uJesu nangabo boke abacwengileko. 6 Ngithandazela bona ukukholwa okuhlanganyela nabanye kukwenze ulemuke yoke into ehle esiyifumene ngoKrestu. 7 Ngithabile bengaduduzeka khulu nangizwa ngethando lakho ngombana iinhliziyo zabacwengileko zivuselelekile ngebanga lakho, mfowethu.
8 Ngebangeli, nanyana ngitjhaphuluke khulu ukukhuluma ngoKrestu nokukuyala bona wenze okufaneleko, 9 ngibona kungcono bona ngikuncenge ngesisekelo sethando njengombana nginguPowula indoda edala, godu nje osibotjhwa ngebanga lakaKrestu Jesu. 10 Ngibawela u-Onesimusi+ umntwanami kuwe, engibe nguyise+ nangisejele. 11 Phambilini bekangasilisizo kuwe kodwana nje sekalisizo kuwe nakimi. 12 Ngimbuyisela kuwe, ngitjho yena, oyihliziywami.
13 Bengingathanda bona ahlale nami lapha ukuthi angisize esikhundleni sakho ngesikhathi ngibotjhiwe ngebanga leendaba ezimnandi.+ 14 Angifuni ukwenza litho ngaphandle kwemvumakho, bona isenzo sakho esihle ungasenzi ngokukatelelwa kodwana usenze ngokuzithandela.+ 15 Mhlamunye kungebangelo abaleka isikhatjhana bona abuyele kuwe safuthi, 16 angasesesigqila+ kodwana angaphezu kokuba sigqila, anjengomfowethu othandekako,+ khulukhulu kimi, kangangani-ke kuwe, kokubili enyameni neKosini. 17 Nje-ke nangabe ungithatha njengomngani, mamukele ngomusa ngendlela ebewuzongamukela ngayo. 18 Ngaphezu kwalokho, nangabe kunobumbi akwenze bona namkha kunokuthileko akukoloda khona, akube mthwalwami. 19 Mina Powula ngitlola ngesami isandla: Ngizokubhadela ngingasayiphatha-ke yokuthi wena ungikoloda ngitjho nokuphila kwakho. 20 Kwanga ungangisiza ngalokhu mfowethu ngebanga leKosi, vuselela ihliziywami ngebanga lakaKrestu.
21 Ngiyaqiniseka ukuthi uzokwenza ngokuvumelana nalokhu, nje-ke ngikutlolela ngazi bona uzokwenza okungaphezu kwalokho engikutjhoko. 22 Okhunye godu, ungilungiselele nendawo yokuhlala ngombana nginethemba lokobana ngemithandazwenu ngizokubuyiselwa kini.+
23 Uyakulotjhisa u-Ephafrasi,+ isibotjhwa esikunye nami ebunyeni noKrestu Jesu, 24 ngokunjalo noMarkosi, u-Aristakusi,+ uDemasi+ noLukasi+ iinsebenzi ezikunye nami.
25 Umusa omkhulu weKosi uJesu Krestu ube nommoya eniwutjengisako.