IsAmbulo Esiya KuJwanisi
13 Yajama* tsi ehlabathini yelwandle.
Ngabona isibandana+ siphuma ngelwandle,+ sineempondo ezilitjhumi neenhloko ezilikhomba, eempondweni zaso bekuneenhlohlo ezilitjhumi begodu eenhloko zaso bekunamagama ahlambalazako. 2 Nje-ke isibandana engasibonako besifana nengwe kodwana iinyawo zaso bezifana nezebhere, umlomaso bewufana nomlomo webhubezi. Idragoni+ yanikela isibandana amandlayo nesihlalo sayo sobukhosi nelawulo elikhulu.+
3 Ngabona ukuthi enye yeenhloko zaso beyibonakala inenceba elingabangela ukufa kodwana inceba laso ebelingasibulala besele lipholile+ nabantu boke ephasini balandela isibandana bakarekile. 4 Balotjha idragoni ngombana beyinikele isibandana ilawulo begodu balotjha isibandana ngamezwi athi: “Ngubani onjengesibandana, ngubani ongalwa naso?” 5 Sanikelwa umlomo okhuluma izinto ezikulu nezihlambalazako begodu sanikelwa ilawulo lokusebenza iinyanga ezima-42.+ 6 Savula umlomaso sahlambalaza+ uZimu bonyana sihlambalaze igama lakhe nendawakhe yokuhlala, ngitjho nalabo abahlala ezulwini.+ 7 Savunyelwa bona silwe nabacwengileko, sibahlule,+ sanikelwa nelawulo phezu kweenkoro zoke, abantu, amalimi neentjhaba. 8 Boke abahlala ephasini bazosilotjha. Ukusukela ekuthonyisweni kwephasi, alikho nalinye lamagamabo elitlolwe emsongweni wokuphila+ weMvana eyabulawako.+
9 Onendlebe akezwe.+ 10 Nakunomuntu okufuze aqalane nokuthunjwa, uzokuthunjwa. Nakuzokuba nobulala ngesabula,* kufuze abulawe ngesabula.+ Lapha kulapho kutlhogeka khona ukukghodlhelela+ nokukholwa+ kwabacwengileko.+
11 Nje-ke ngabona esinye isibandana sikhuphuka sivela ephasini, besineempondo ezimbili njengemvana kodwana sathoma ukukhuluma njengedragoni.+ 12 Sisebenzisa loke ilawulo lesibandana sokuthoma+ esisibonako. Senza iphasi nabahlala kilo balotjhe isibandana sokuthoma, leso ebesinenceba ebelingasibulala kodwana ebesele lipholile.+ 13 Senza iimbonakaliso ezikulu, ngitjho nokwenza umlilo wehle uvela ezulwini uye ephasini abantu baqalile.
14 Sidurhisa labo abahlala ephasini, ngebanga leembonakaliso esavunyelwa ukuthi sizenze sibonwa sibandana sokuthoma, kukulapho sitjela labo abahlala ephasini bona benze umfanekiso+ wesibandana esihlatjwe ngesabula saphola.+ 15 Savunyelwa ukuthi sinikele umfanekiso wesibandana ummoya ukuthi umfanekiso wesibandana ukhulume begodu ubangele bona kubulawe boke labo abangafuni ukulotjha umfanekiso wesibandana.
16 Sikatelela boke abantu abancani nabakhulu, abanjingileko nabatlhagileko, abatjhaphulukileko neengqila bona laba kufuze babekwe itshwayo esandleni sokudla namkha eempandla zabo+ 17 ukuthi kungabi nomuntu othengako namkha othengisako ngaphandle komuntu onetshwayo, igama+ lesibandana namkha inomboro yegama laso.+ 18 Lapha kulapho kutlhogeka khona ukuhlakanipha: Onelemuko akabale inomboro yesibandana ngombana yinomboro yomuntu begodu inomborwaso ima-666.+