IRhubo
Ingoma yokuvulwa kwendlu.
Irhubo lakaDavida.
30 Maye! Jehova, ngizokuphakamisa ngombana ungiphakamisile;
Akhenge uvumele amanabami athabe ngami.+
2 Maye! Jehova Zimami, ngalilela isizo lakho, wena wangipholisa.+
3 Maye! Jehova, ungikhuphe eThuneni.*+
Wangibeka; wangisindisa bona ngingehleli emgodini.*+
4 Bhinelani uJehova iindumiso, nina abathembekileko bakhe,+
Thokozani igama lakhe elicwengileko;*+
5 Ngombana ilaka lakhe ngelesikhatjhana,+
Kodwana umusakhe ngewokuphila koke.+
Kungaba nesililo ebusuku kodwana ekuseni kunethabo.+
6 Ngesikhathi kungikhambela kuhle, ngathi:
“Angeze ngiphazanyiswe.”*
7 Maye! Jehova, ngesikhathi ngisemusenakho, wangenza ngaqina njengentaba.+
Kodwana nawungifihlela ubuso bakho, ngathukwa.+
8 Maye! Jehova, bengisolo ngibiza wena;+
Bengisolo ngibawa umusa kuJehova.
9 Ngiyiphi inzuzo ekhona ekufeni kwami,* nangehlela emgodini?*+
Kghani ithuli lizokudumisa na?+ Lizokukhuluma ngokuthembeka kwakho na?+
10 Maye! Jehova, ngibawa ungizwe, ube nomusa kimi.+
Maye! Jehova, yiba msizami.+
11 Utjhugulule ukulila kwami kwaba kugida;
Ungihlubulise umgodla, wangimbathisa ithabo,
12 Bona ngibhine indumiswakho, ngingathuli.
Maye! Jehova, Zimami, ngizokudumisa ngokungapheliko.