Jona
2 Ngemva kwalokho uJona wathandaza kuJehova uZimakhe angemathunjini wehlambi,+ 2 wathi:
“Ngabiza uJehova ngiseenhlungwini zami, wangiphendula.+
Ngisekuzikeni kweThuna* ngabawa isizo.+
Walizwa ilizwi lami.
3 Uthe nawungiphosela ngekuzikeni, phakathi kwelwandle,
Ngabhodwa mamanzi.+
Amagagasakho anamandla angigubuzesa.+
4 Yeke ngathi, ‘Ungiqothile phambi kwakho.
Ngizoliqala njani godu ithempeli lakho elicwengileko?’
5 Ngipheze ngafa ngebanga lokugubuzeswa mamanzi;+
Ngicwile bengayokufika ekuzikeni kwamanzi.
Ikhula larareja ihlokwami.
6 Ngatjhinga phasi esidindini seentaba.
Amasango wephasi bewangivalela ngokungapheliko.
Kodwana ungikhuphe emgodini ngiphila, Jehova Zimami.+
7 Kuthe nangisezingeni lokufa, ngakhumbula uJehova.+
Yeke umthandazwami wafika kuwe, ethempelini lakho elicwengileko.+
8 Labo abazinikele eenthombeni ezingasizi ngalitho batjhiye uZimu onethando.*
9 Kodwana mina, ngephimbo lami ngizokudumisa ngenze umhlatjelo kuwe.
Engikufungileko, ngizokwenza.+
Isindiso ivela kuJehova.”+
10 Ngokukhamba kwesikhathi uJehova wayala ihlambi begodu yahlanzela uJona eligwini lelwandle.