IRhubo
Kumnqophisi; lizokuvunywa ngendlela yengoma ethi, “amaThuthumbo.” Irhubo lakaDavida.
69 Maye! Zimu, ngisindisa ngombana amanzi asongela ukuphila kwami.+
2 Ngingene ngatjhingela edakeni elizikileko, lapho kunganahlabathi eyomileko khona.+
Ngifike emanzini azikileko,
Nomlanjana ogijimako ungirhurhulile.+
3 Ngidiniwe kurhuwelela;+
Iphimbo lami seliyarhoroza.
Amehlwami adiniwe nangisalinde uZimami.+
4 Labo abangihloye ngaphandle kwesizathu+
Banengi ukudlula iinhluthu zehlokwami.
Labo abafuna ukungibulala,
Amanabami akhohlisako, abe manengi.
Ngakatelelwa bona ngibuyisele engingakakwebi.
5 Maye! Zimu, uyabazi ubudlhadlha bami,
Nomlandwami awukafihleki kuwe.
6 Ungavumeli abathembela kuwe bona bahlaziswe ngebanga lami,
Maye! Kosi ePhakemeko, Jehova wamabutho.
Ungavumeli abakufunako bona barhubutjhwe ngebanga lami,
Maye! Zimu ka-Israyeli.
8 Sengibe mumuntu ongaziwako nakubafowethu,
Umuntu otjhili emadodaneni kamma.+
9 Ukukhuthalela indlwakho kube njengomlilo ovutha phakathi kwami,+
Ihlamba yalabo abakuthukako iwele phezu kwami.+
10 Nangizithobako ngokuzila ukudla,*
Ngathukelwa lokho.
11 Ngathi nangembatha umgodla,
Banginyefula.
12 Labo abahlala esangweni ledorobho bahlala bakhuluma ngami,
Neendakwa zibhina ngami.
13 Nanyana kunjalo, kwanga umthandazwami ungeza kuwe,
Ngesikhathi esifaneleko Jehova.+
Maye! Zimu, ngethando lakho elikhulu elithembekileko,
Ngiphendula utjengise bona umsindisi othembekileko.+
14 Ngihlangula edakeni;
Ungavumi bona ngitjhingele.
Ngihlangula kilabo abangihloyako
Nemanzini azikileko.+
15 Ungavumeli isirhurhula singithanyele,+
Namkha amanzi azikileko angiginye,
Namkha umthombo ungivalele ngaphakathi kwawo.+
16 Maye! Jehova, ngiphendula ngombana ithando lakho elithembekileko lihle.+
Ngiphendula msinyana ngombana ngigandelelekile.+
18 Tjhidela kimi ungihlangule;
Ngihlenga ngebanga lamanabami.
19 Uyayazi ihlamba engithukwa ngayo, ihlazo lami nokurhubutjhwa kwami.+
Uwabona woke amanabami.
20 Ihlamba engithukwe ngayo ingiphule ihliziyo begodu inceba lami alilapheki.
Bengithemba bona kukhona ozongirhawukela kodwana akhenge abe khona,+
Bengithemba bona kukhona abazongiduduza kodwana akhenge ngibafumane.+
21 Esikhundleni sokudla banginikela itjhefu,*+
Nangomileko banginikela iwayini elimunyu bona ngisele.+
22 Itafulabo ayibe sithiyo kibo,
Nokuphumelela kwabo, kube sithiyo.+
23 Amehlwabo awaphophale,
Wenze neenyonga zabo zihlale zidengezela.
24 Thululela ilaka lakho phezu kwabo,
Kwanga bangafikelwa lilaka lakho elivuthako.+
25 Ikampabo ayibe marubhi;
Kungabi nomuntu ohlala ematendenabo.+
26 Ngombana bagijimisa loyo ombethileko,
Begodu bahlala bakhuluma ngobuhlungu balabo obalimazileko.
27 Ngezelela umlandu emlandwinabo,
Begodu abangabi nesabelo ekulungeni kwakho.
28 Abasulwe encwadini yabaphilako,*+
Begodu abangatlolwa hlangana nabalungileko.+
29 Kodwana ngihlunguphazekile begodu ngisebuhlungwini.+
Maye! Zimu, kwanga amandlakho asindisako angangivikela.
30 Ngizokubhinela igama lakaZimu iindumiso,
Begodu ngizomphakamisa ngokuthokoza.
31 Lokhu kuzokuthabisa uJehova ukudlula ikunzi,
Ukudlula ikunzi encani eneempondo neenqatha.+
32 Abathobekileko bazokubona lokhu bathabe.
Nina enifuna uZimu, kwanga iinhliziyo zenu zingavuseleleka.
34 Izulu nephasi alimdumise,+
Amalwandle nakho koke okukhamba ngaphakathi kwawo.