Duteronomi
32 “Woke umuntu osezulwini akalalele nangikhulumako,
Nabantu abasephasini abezwe amezwi womlomami.
2 Ifundiswami izokwehla njengezulu
Amezwami azokwehla njengombethe,
Njengezulu elifetheza phezu kotjani
Nanjengezulu elinengi phezu kweentjalo.
3 Ngizokumemezela igama lakaJehova.+
Ngikhulume ngobukhulu bakaZimethu!+
5 Bababantu abenze ngokukhohlakala.+
Abasibantwabakhe, ngibo abanomtjhapho.+
Basizukulwana esikhohlakeleko nesikhohlisako!+
6 Inga-kghani ngile indlela ekufuze niphathe ngayo uJehova,+
Nina ndlhadlha nabantu abangakahlakaniphi?+
Akasinguyihlo owanenza naba khona,+
Owanidala bewanenza isitjhaba?
7 Khumbulani isikhathi esidlulileko
Nikhumbule okwenzeka ekadeni.
Buzani aboyihlo, bazonicocela+
Buzani abantu abalupheleko, bazonicocela.
8 Lokha oPhezukoke nakanikela iintjhaba ilifa lazo,+
Nakahlukanisa amadodana ka-Adamu,*+
Wabekela abantu umkhawulo+
Ngokwesibalo sama-Israyeli.+
11 Njengekhozi elifundisa abantwana balo ukuphapha,
Liphapha ngehla kwabo,
Lithabulula iimpiko zalo, libathathe,
Libathwale ngeempiko zalo,+
12 UJehova bekasolo amnqophisa*+
Akakho omunye uzimu obekanaye.+
Wamupha iliju lematjeni
Namafutha wematjeni aqinileko,
14 Ibhodoro eyenziwe ngebisi leenkomo nangebisi leembuzi nezimvu,
Kuhlanganise izimvu ezinonileko,
Amaramu weBhatjhani neempongo,
Kuhlanganise nekoroyi esefiweko+
Wasela newayini elenziwe ngamadiribe.
15 UJetjhuruni* nakanonako, wavukela umphathakhe.
Unonile, wasutha khulu, waba budisi.+
Walibala uZimu owamenzako,+
Wadelela iDwala elimsindisako.
17 Bebenzela amadimoni imihlatjelo, ingasi uZimu,+
Benzela abozimu abangakhenge babazi,
Abozimu abatjha abafike muva nje,
Abozimu abokhokho babo abangakhenge babazi.
19 UJehova nakabona lokho, wabalahla+
Ngombana amadodanakhe namadodakazakhe amzwise ubuhlungu.
20 Nje-ke wathi, ‘Ngizobafulathela;+
Ngizokubona ukuthi bazokuphelelaphi.
21 Bangisilingile ngebangalokulotjha abozimu bamala+
Bangizwise ubuhlungu ngokulotjha iinthombe ezingasizi ngalitho.+
Nje-ke, ngizobenza babe nomona ngokusebenzisa abantu abangasisitjhaba;+
Ngizobazwisa ubuhlungu ngesitjhaba esisidlhadlha.+
22 Ilaka lami lithungelele umlilo+
Ozokutjhisa kufikela ekuzikeni kweThuna,*+
Uzokutjhisa iphasi neenthelo zalo
Uzokutjhisa neensekelo zeentaba.
23 Ngizokungezelela iinhlekelele zabo;
Kuzokuba ngasuthi ngibamadlha ngemisubela eminengi.
25 Isabula izokubamba abangaphandle+
Labo abangaphakathi bazokuthukwa+
Kuzokwenzeka okufanako emasokaneni neentombini,
Emasaneni nebantwini abalupheleko.+
26 Bengizokuthi: “Ngizobaphadlhalaja
Ngenze bona bangasakhunjulwa hlangana nabantu.”
Angathi: “Sithumbe ngamandlethu;+
Bekungasi nguJehova owenze koke lokhu.”
29 Ngathana bebahlakaniphile!+ Bebazokucabangisisa ngalokhu.+
Bebazokucabanga ngomphumelabo.+
30 Umuntu oyedwa angabagijimisa njani abayi-1 000,
Nabantu ababili bangabagijimisa njani abazii-10 000?+
Angekhe kwenzeka ngaphandle kokuthi iDwala labo libathengise+
UJehova abanikele emanabenabo.
32 Amadiribabo avela emadiribeni weSodoma
Nemasimini weGomora.+
Amadiribabo anetjhefu,
Begodu ayababa.+
33 Iwayini labo liyitjhefu yeenyoka,
Itjhefu yamakhobhra.
34 Kghani lokhu akukabekwa kimi na,
Kwavalelwa ebulungelweni lami?+
35 Ukubuyisela nesijeziso ngekwami,+
Ngesikhathi esibekiweko, lokha iinyawo zabo nazitjhelelako,+
Ngombana ilanga lehlekelelabo liseduze,
Okubalindeleko kuzokwenzeka msinya.’
36 UJehova uzokwahlulela abantu bakhe,+
Uzokurhawukela iinsebenzi zakhe+
Lokha naziphelelwa mamandla,
Begodu kusele kwaphela abantu abanganasivikelo nababogabogako.
37 Uzokuthi, ‘Baphi abozimu babo,+
Idwala ebebafuna isiphephelo kilo,
38 Abozimu ebebadla amafutha wemihlatjelwabo,
Basele iwayini leminikelwabo yesiselo?+
Abasikime babasize.
Ababe yindawenu yesiphephelo.
Ngiyabulala, ngiyaphilisa.+
40 Ngiphakamisela isandla sami ezulwini,
“Mina ophila ngokungapheliko, ngifunga ngokuphila kwami,”+
41 Nangilola isabulami emanyazelako
Ngilungele ukukhupha isahlulelo,+
Ngizokubuyisela amanabami+
Ngilethe isijeziso kilabo abangihloyako.
42 Ngizokwenza imisubelami idakwe ziingazi,
Iingazi zababuleweko nabathunjiweko,
Kukulapho isabulami idla inyama
Neenhloko zabadosi phambili bamanaba.’
43 Nina ntjhaba, thabani nabantu bakhe,+
Ngombana uzokubuyisela iingazi zeenceku zakhe,+
Uzozibuyiselela emanabenakhe+
Uzokwenzela inarha yabantu bakhe umnikelo wokulitjalelwa kwezono.”
44 UMosi noHotjheya*+ indodana kaNuni beza bakhuluma woke amezwi wengoma le, abantu balalele.+ 45 UMosi nakaqeda ukukhuluma woke amezwi la kuma-Israyeli, 46 wathi kiwo: “Cabangisisani ngawo woke amezwi enginiyelelise ngawo namhlanjesi,+ khona nizakuyala amadodanenu bona alalele woke amezwi womThetho lo.+ 47 Ngombana amezwi la akusimamezwi angatjho litho kini kodwana nizokuphila+ nange niwalalela begodu nange niwalalela nizokuphila isikhathi eside enarheni eniyama iJordani bona niyoyithatha.”
48 Ngelangeli uJehova wakhuluma noMosi, wathi: 49 “Khuphukela entabeni i-Abarimu,+ iNtaba iNebo+ esenarheni yakwaMowabi, eqale ngeJerikho ubone inarha yeKanana engiyinikela ama-Israyeli bona ibe lilifa lawo.+ 50 Uzokuhlongakalela entabeni ozokukhuphukela kiyo le begodu uzokubulungwa nabantu bekhenu, njengombana u-Aroni ahlongakala eNtabeni iHori+ wabulungwa nabantu bekhabo, 51 ngombana nobabili akhenge nithembeke kimi hlangana nama-Israyeli emanzini weMeriba+ yeKhadetjhi, emmangweni weTsini ngombana akhenge ningicwengise phambi kwabantu bakwa-Israyeli.+ 52 Uzokubona inarha yakhona ukude kodwana angekhe ungene enarheni leyo engiyinikela abantu bakwa-Israyeli.”+