IRhubo
Kumnqophisi. Ingoma kaDavida inceku kaJehova, ayibhinela uJehova mzukwana uJehova amhlenga esandleni sawo woke amanabakhe nesandleni sakaSawula. Wathi:
18 Maye! Jehova, ngikuthanda kangangani ngombana umamandlami.+
2 UJehova ulidwala lami nendawami evikelekileko begodu nguye ongihlengako.+
UZimami ulidwala lami+ engiphephela kilo,
Usihlangu sami nephondo lami lesindiso, isiphephelo sami esivikelekileko.+
3 Ngibiza uJehova, ofanelwe kudunyiswa,
Ngizokusindiswa emanabenami.+
6 Ngabiza uJehova ngigandelelekile,
Ngasolo ngililela uZimami bona angisize.
7 Yeke iphasi lathoma ukudengezela nokusikinyeka;+
Iinsekelo zeentaba zahlengezela
Zadengezela ngombana bekasilingekile.+
8 Kwaphuma intuthu eempumulweni zakhe,
Kwaphuma umlilo otjhabalalisako ngemlonyenakhe;+
Amalahle avuthako aphambi kwakhe.
10 Weza aphapha akhwele ikherubhi.+
Wehla msinyana ngamaphiko wengilozi.*+
11 Ngemva kwalokho, wazigubuzesa ngobumnyama,+
Bambhoda njengetende,
Emanzini amnyama nemafini wezulu anzima.+
12 Ekukhanyeni okuphambi kwakhe
Kwaphuma isinanja namalahle avuthako emafini.
13 Ngemva kwalokho, uJehova wathoma ukuraramba ezulwini;+
OPhezukoke wenza iphimbo lakhe lazwakala+
Ngesinanja nangamalahle avuthako.
15 Imisele yamanzi yabonakala;+
Iinsekelo zenarha zavela ebaleni ngokhalinywa nguJehova,
Ngokuvuthela komoya wepumulwakho.+
16 Walulela isandla sakhe phasi;
Wangibamba wangikhupha emanzini atjhingako.+
18 Bangisahlela ngelanga ngivelelwe yihlekelele,+
Kodwana uJehova wangisekela.
19 Wangikhuphela endaweni evikelekileko;
Wangisindisa ngombana bekangithanda.+
20 UJehova unginikela umvuzo ngokuya ngokulunga kwami;+
21 Ngombana bengisolo ngikhamba eendleleni zakaJehova,
Akhenge ngimlahle ngenze okukhohlakeleko.
22 Zoke izahlulelo zakhe ziphambi kwami;
Angekhe ngiyidelele imiyalwakhe.
24 Kwanga uJehova angangibusisa ngokuya ngokulunga kwami,+
Ngokuya ngobumsulwa bezandla zami phambi kwakhe.+
25 Kothembekileko wenza ngokuthembeka;+
Emuntwini ongasolekiko wenza ngokungasoleki;+
26 Kwabamsulwa uba msulwa,+
Kodwana kokhohlisako wena angeze wakhohliswa.+
28 Ngombana nguwe Jehova okhanyisa isibani sami,
Nguwe Zimami okhanyisa ubumnyama bami.+
Usiviko sabo boke abaphephela kuye.+
31 Ngombana ngubani onguZimu ngaphandle kwakaJehova?+
Ngubani olidwala ngaphandle kwakaZimethu?+
33 Wenza iinyawo zami zibe njengezeqina;
Ungijamisa eendaweni eziphakemeko.+
34 Izandla zami uzibandulela ipi;
Imikhonwami ingagoba umsebe wekhopha.
35 Unginikela isihlangu sakho sesindiso,+
Isandla sakho sokudla siyangisekela,
Ukuthobeka kwakho kungenza ngibe mkhulu.+
36 Wenza indlelami ibe banzi;
Iinyawo zami angeze zitjhelele.+
37 Ngizokugijimisa amanabami bengiwabambe;
Angeze ngibuye angakatjhatjalaliswa.
38 Ngizowatshidlha bona angasavuki;+
Azokuwela ngaphasi kweenyawo zami.
39 Uzongipha amandla bona ngilungele ipi;
Uzokwenza amanabami awele ngaphasi kwami.+
41 Balilela isizo kodwana akekho ongabasindisa;
Balilela ngitjho noJehova kodwana akabaphenduli.
42 Ngizobatshidlha basileke njengethuli emoyeni;
Ngizobalahlela ngaphandle njengedaka eendleleni.
43 Uzongihlenga ebantwini abafuna umtjhapho.+
Uzongibeka ngibe yihloko yeentjhaba.+
Isitjhaba engingasaziko sizongisebenzela.+
44 Ngokuzwa umbiko nje kwaphela zizongilalela;
Abantu abavela kwenye inarha bazokuza baguqe phambi kwami bathukiwe.+
45 Abantu abavela kwenye inarha bazokuphelelwa sibindi;*
Bazokuza bahlengezela bavela eendaweni zabo ezivikelekileko.
46 UJehova uyaphila! Alidunyiswe iDwala lami!+
UZimu wesindiswami akaphakanyiswe.+
47 UZimu weqiniso uyangibuyiselela emanabenami;+
Wenza iintjhaba zizithobe ngaphasi kwami.
48 Uyangisindisa emanabenami asilingekileko;
Ungiphakamisa ngibe ngaphezu kwalabo abangisahlelako;+
Ungisindisa emuntwini wenturhu.