IRhubo
ל [Lamed]
10 Maye! Jehova, kubayini ujamele kude kangaka?
Kubayini uzifihla ngeenkhathi zokugandeleleka?+
2 Isikhohlakali ngokuzikhakhazisa sifunana nomuntu ogandelelweko,+
Kodwana amano esiwalukako azokubamba sona.+
3 Isikhohlakali siyazikhakhazisa ngeemfiso zaso zomrhobholo+
Begodu sibusisa omarhamaru;*
נ [Nun]
Sidelela uJehova.
4 Ngokuzikhakhazisa, umuntu okhohlakeleko akaphenyisisi;
Uhlala acabanga athi: “Akekho uZimu.”+
5 Iindlela zakhe zihlala ziphumelela,+
Kodwana izahlulelo zakho ziphezulu, angekhe azizwisise nakancani;+
Uhlekisa ngabo boke abamphikisako.
6 Uthi ehliziywenakhe: “Angeze ngiphazanyiswe;*
Isizukulwana ngesizukulwana
Angeze ngibone ihlekelele.”+
פ [Pe]
8 Uyalinda bona akhukhuthele eduze kwemizi;
Asendaweni abhace kiyo ubulala umuntu onganamlandu.+
ע [Ayin]
Amehlwakhe agade ungazimbi.+
9 Uhlala alindile endawenakhe njengebhubezi elibhace ehlathini.*+
Uyalinda bona abhudungele umuntu ogandelelwako.
Ubhudungela umuntu ogandelelwako ngokudosa inedakhe ayivale.+
10 Ungazimbi uyaphihlizwa awiselwe phasi;
Umuntu obuthakathaka uwela ezandleni zakhe.
11 Uthi ehliziywenakhe: “UZimu ulibele.+
Ubufihlile ubuso bakhe.
Akaboni litho.”+
ק [Qoph]
12 Ngilwela Jehova.+ Phakamisa isandla sakho Zimami.+
Ungabalibali abantu abagandelelwako.+
13 Kubayini umuntu okhohlakeleko adelela uZimu?
Uthi ehliziywenakhe: “Angeze ungahlulele.”
ר [Resh]
14 Kodwana wena uyakubona ukutshwenyeka nokugandeleleka.
Uyaqala bese wenze okuthileko ngakho.+
ש [Shin]
15 Phula umkhono womuntu okhohlakeleko,+
Ukwenzela bona nawufuna ukukhohlakala kwakhe,
Ungasakufumani.
16 UJehova uyiKosi ngokungapheliko.+
Iintjhaba zitjhatjalalisiwe ephasini.+
ת [Taw]
17 Maye! Jehova, wena uzomuzwa umuntu othobekileko nakakubawako.+