USamyela Wokuthoma
21 Ngokukhamba kwesikhathi uDavida wafika eNobi+ ku-Arhimeleki umphristi. U-Arhimeleki wathuthumela nakahlangana noDavida bese wathi kuye: “Kubayini ukhamba wedwa?”+ 2 UDavida waphendula u-Arhimeleki umphristi wathi: “Ikosi ingithume bona ngiyokwenza okuthileko kodwana ithe, ‘Akungabi nomuntu owaziko ngejima engikuthumela kilo nangeenqophiso engikunikele zona.’ Ngibekiselene namasokanami bona siyokuhlangana endaweni ethileko. 3 Nje-ke nangabe unoburotho obuhlanu, unganginikela bona namkha ungangipha nanyana yini ekhona.” 4 Umphristi waphendula uDavida wathi: “Abukho uburotho obujayelekileko kodwana kunoburotho obucwengileko+ bangabudla, kwaphela nange amasokana angakhenge azihlanganise nabantu bengubo.”*+ 5 UDavida waphendula umphristi wathi: “Ngokuqinisekileko besingahlangani nabantu bengubo nangiya ejimeni ngeenkhathi ezidlulileko.+ Nange imizimba yamasokana kufuze icwengeke ngitjho nanyana kulijima elijayelekileko, izokucwengeka kangangani-ke namhlanjesi!” 6 Nje-ke umphristi wamnikela uburotho obucwengileko+ ngombana bebungekho obunye uburotho ngaphandle koburotho bombukiso, ebebususwe phambi kwakaJehova bajanyiselelwa ngoburotho obutjha ngelanga obukhutjhwe ngalo.
7 Esinye seensebenzi zakaSawula besilapho ngelangelo, sibotjhiwe phambi kwakaJehova. Igama laso bekunguDowegi+ umEdomu,+ induna yabelusi bakaSawula.
8 Ngemva kwalokho, uDavida wathi ku-Arhimeleki: “Awunamkhonto namkha isabula? Azange ngithathe umkhonto namkha iinkhali zami ngombana ijima lekosi belirhabile.” 9 Yeke umphristi wathi: “Isabula kaGoliyadi+ umFilista loya owambulala emRhobeni we-Ela+ ilapha, iphuthelwe ngetjhila ngemva kwe-efodi.+ Nangabe uyayifuna, ungazithathela yona ngombana ngiyo yodwa elapha.” UDavida wathi: “Ayikho enjengayo. Nginikela yona.”
10 Ngelangelo uDavida wasikima waraga nokubalekela+ uSawula, ekugcineni wafika ku-Akhitjhi ikosi yeGathi.+ 11 Iinsebenzi zaka-Akhitjhi zathi kuye: “Kghani akusinguDavida lo na, ikosi yenarha? Akusingiloya ebebavuma ngaye nabajidako, bathi,
‘USawula urhayile iinkulungwana zakhe,
UDavida urhayile amatjhumi weenkulungwana’?”+
12 UDavida wawathathela ehloko amezwi la begodu wasaba khulu+ ngebanga laka-Akhitjhi ikosi yeGathi. 13 Nje-ke wazenza ngasuthi uyarhapha+ begodu wazenza ihlanya phakathi kwabo. Bekatlola amakoporojo emabadini wesango begodu alisa iindende zakhe ziwulukele eendevini. 14 Emaswapheleni u-Akhitjhi wathi eensebenzini zakhe: “Niyabona ukuthi umuntu lo uyarhapha! Alo nimletheleni kimi? 15 Kghani sengitlhayelelwa mahlanya bona ngingatlhoga lo azokuhlanyela phambi kwamapha? Umuntu lo kufuze angene ngendlinami na?”